Yahova, Mwoyo gwange si gwiyidzominya, kandi tsimoni tsyange si tsyeginganga igulu; Kandi si ntsitsanga mu makuva manene, Kinga mu vindu vinene vyokugenya vyokuvita inze.
Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.
U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri
Va twula ni va tsia kulola vya kolwa; ni va duka ku Yesu, ni va lola mundu wamademone ga twula kuye, ni yiviki tsingubo, kandi a veye nobugeeri bwibwe, ni yikaye ha virenge vya Yesu: ni va tia.
Ku yavo ava ta li nelilaga, nda gwa kuli u ta li nelilaga, mwene si nda vula kuva nelilaga ku Nyasaye, navutswa ku lilaga ya Kristo, nyole ava ta li nelilaga.