Matayo 11:28 - KITABU KITAKATIFU

²⁸ Hambi ino mwinye mwosi ava nyankananga ku miyinzi midinyu nava minika, na inze nda mu sosidza.

Matayo 11:28 ပူးပေါင်းရင်းမြစ်များ

Ayubu 14:1

Mundu, womukali yivula, A veye wamadiku ga gehi na yizuye kivi.

Ayubu 5:7

Navutswa mundu yivulangwa kupe kivi, Kuli tsisese tsyomuliru tsi du manga igulu.

Zaburi 116:7

Mwoyo gwange, wirane mu bwelemeridzi bubwo; Kigira Yahova a ku koleye vyobuhaani.

Zaburi 32:4

Kigira mbasu nobudiku mukono gugwo gwa mmina ligali: Ubukindu bwange bwa girunkanywa kuva ubuhyu bwombasu mululu. [Selaha

Zaburi 38:4

Kigira ubudamano bwange bu nkuniki kuduka ku mutwe gwange: Kuli musigo muliduhu bu mminan'ga kuvita.

Zaburi 94:13

Ive u duke kumusosidza mu madiku gekivi Kuduka inyinga yo bogo bu yavirwa avadamano.

Kohelethu 1:14

Mmali kulola miyinzi gyosi gyi kolangwa isi weliuva; na, henza, vyosi ni vya vutswa, nokudidikana ku imbuudza.

Kohelethu 1:8

Vindu vyosi vizuye liluha; mundu si a nyala kuvola inkuva yiyi: imoni si yigutanga lilola mba, kandi ugutu si gwizulanga lihulira mba.

Kohelethu 4:8

A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 28:12

ava ya volera, Yibu nobwelemeridzi, mu he uyu u luhi lisosa; na yili ni lisosa: navutswa si va hulira.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Jeremia 31:25

Kigira mmali kwigutidza mwoyo gwa li ni gu luhi, nemyoyo sa mulala ugwa li ni gu vereranga mmali kugwirannya kuva umuhya.

Jeremia 35:16

Kunangwa kigira avana va Jonadabu, mwana wa Rekabu, va dukidza lilaga lya guga wavo ga ya va laga, navutswa avandu yava si va hulira inze mba;

Jeremia 6:16

Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Matayo 11:29

Mu ginge inira yange, mwegire ku inze; kigira inze mbeye mhooma nomuhokya: mu la nyola lisosa mu myoyo gyenyu.

Matayo 23:4

Yee, va boha misigo miliduhu gyi mina, ni va vika ku mavega gavandu; navutswa avene va sula kugyisunda kali nekidete.

Yohana 6:37

Vyosi vya Dada a mbedza vi ladza ku inze; naye udza ku inze si nda mu kunga mba.

Yohana 7:37

Ku lidiku lyekiheri, lidiku linene lyelilia, Yesu ya singira na a gamba, na a vola, Mundu na a va na a veye nobuluhu, yadze ku inze a nwe.

Vikolwa 15:10

Ku, kalunu kigira ki mu geridza Nyasaye, mu duke kuvika inira ku magoti gavegidzwi yavaguga kandi kwinye kwa tamwa kuginga?

Vikolwa 20:35

Inze mmali kumugerera ku vindu vyosi, nu bulahi mu didikane ndi mu konye avadekerana, nokwidzulitsa amakuva go Mwami Yesu kuli ya vola, Lihaana li veye nobugasu kuvita livugula.

Vagalatia 5:1

Mu libohololwa lya Kristo ya ku boholola nalyo, mu singire mu budinyu, kandi mu ta gumirwa hali kaviri nenira yobutugwa.

2 Vatesalonike 1:7

navutswa mwinye ava kupidzwa kivi li la va lyelemereridza halala nekwinye, mu lilang'aminywa lyo Mwami Yesu kutwula migulu halala netsingelosi avetsingulu tsitsye mu muliru gwetsimemo,

Vahebraina 4:1

Kunangwa, lwa lisuuviridza lyelingira mu bwelemeridza bwibwe li tigala, ku tie, gasi mbula, mulala ku mwinye a vula kwingira.

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.