Matayo 10:6 - KITABU KITAKATIFU

⁶ navutswa mu tsie ku magondi aga goti genyumba ya Israeli.

Matayo 10:6 ပူးပေါင်းရင်းမြစ်များ

Zaburi 119:176

Ngoti kuli ligondi lya gota; wenye mutumekiri wowo Kigira si nzivirira malago gogo mba.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Jeremia 50:17

Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

Jeremia 50:6

Avandu vange va li amagondi ga gota: avayi vago va ga gotidzi; ga tsie kugendagenda; va ga girunkannyi ga tsie mu vigulu: ga tsiye kutwula mkigulu kuduka mu kagulu; giviriye hango hago hokusosa.

Ezekieli 34:16

Ndenya lya gota, nokuleta kandi lya kungwa, nokuboherera lya vunika, nokuha tsingulu lya kenya, na manetu na getsingulu nda ga dividza; nda ga lihidza mu likalaga.

Ezekieli 34:4

Aga lwalanga si mu ga hedzanga tsingulu, kandi si mu honyanga likenyanga, kandi si mu bohereranga lya vunika kandi si mwirannyanga lya kungwa kandi si mwenyanga lya gota; navutswa mwamehanga kugo netsingulu nobululu.

Ezekieli 34:6

Amagondi gange ga vayavaya mu vigulu vyosi, noku kigulu sa kilala kitambi; yee, magondi gange ga li ni ga salannywa mu mmoni mwosi mwelirova; si ha li nomundu kali mulala kugateva kinga kugenya.

Ezekieli 34:8

Kuli mbeye mwoyo, Mwami Nyasaye a vola, ligali kigira magondi gange ga gwa vilanye, magondi gange ga gwa vyokulia vyetsinyama tsyosi tsyomwigendanyama, kigira si ha li nomwayi, kandi avayi vange si venya amagondi gange, navutswa avayi veyayanga avene, si vayanga amagandi gange:

Matayo 18:10

Mu henze mu ta lega mulala ku vakekeke yava: kigira mmu volera, mwigulu tsingelosi vavo va hongera kulola mtsimoni tsya Dada wange u veye migulu.

Matayo 18:11

Kigira Mwana wa Adamu yadza kuhonnya kya gota.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Vikolwa 13:46

Paulo na Baranaba va luvirira ni va vola, Li nigwa likuva lya Nyasaye li tanga kuvolwa ku mwinye, navutswa kigi ra mu li luguta ihale, kandi si mwelola mu veye avalahi kuduka livamwoyo li ta hera mba, mu henze, kwinye ku girunkanira Tsihiri.

Vikolwa 18:6

Lwa va hangalidzana naye ni va nyega, ya sung'usa ingubo yeye na a va volera, Masahi genyu ga ve ku mitwe gyenyu avene; inze ntigaye museredze: kutwula kalunu ntsitsa ku Tsihiri.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Vikolwa 3:26

Ku mwinye Nyasaye ya tanga kusingeridza Mutumekiri wewe na a mu tuma kumuha ubugasu, kuhunzula mwinye vosi mu twule mu budamano bwenyu.

1 Petro 2:25

Kigira mwa li mwa gota kuli magondi; navutswa kalunu mwirani ku Mwayi no Muhenzi wemyoyo gyenyu.