Matayo 10:41 - KITABU KITAKATIFU

⁴¹ U bugirira muprofeti ku lieta lyomuprofeti a la nyola lidanyi lyomuprofeti: noyu u bugirira mulungi ku lieta lyomulungi a la nyola lidanyi lyomulungi.

Matayo 10:41 ပူးပေါင်းရင်းမြစ်များ

Litanga 20:7

Kunangwa wiranyire mundu mukali wewe; kigira a veye muprofeti, naye a la ku saalira, na ive u la hindira: kandi nu u va nu u vula kumwiranya, u manye ligali u la kudza, ive, na vovo vosi.

Isaya 3:10

Mu vole ku mulungi, ga la va amalahi kuye: kigira va la lia makuyu gevikolwa vyavo.

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Matayo 25:44

Hene yaho navo va la tivula, va vola, Mwami, inyinga ki kwa ku lola ne nzala, kinga nobuluhu, kinga mgeni, kinga kyahonyo, kinga mulwaye, kinga muhambe, kwa vula kukutumekira?

Matayo 25:45

Hene yaho a la va tivulira, na a vola, Ligali mmu volera, Kuli ga mwa vula kukolera mulala ku vakekeke yava, mwa vula kunkolera.

Matayo 6:1

Henze bulahi, mu ta kola bulungi bwenyu imbiri wa vandu, va mu lole: kigira ni mu kola ndiyo, si mu nyala kunyola madanyi ku Dada wenyu u veye migulu.

Matayo 6:18

u ta loleka ku vandu u hongi lilia, navutswa u loleke ku Dada wowo u veye mbuvisi: na Dada wowo u lola mbuvisi, a la ku ha madanyi.

Matayo 6:4

tsisadaka tsitsyo tsi ve mbuvisi: kandi Dada wowo u lola mbuvisi a la ku ha madanyi.

Matayo 6:6

Navutswa ive, nu wenya kusaala, wingire munyumba yoyo, nu u mali kuhana kiliango, u saale Dada wowo u vula kulolwa, na Dada wowo a lola mbuvisi a la ku ha madanyi.

Matayo 7:8

Kigira ku vosi u saala a hebwanga; nowenya a nyolanga; nowigulihidza yigulirwa.

Vikolwa 16:15

Kandi lwa ya batidzwa, halala navenyumba yeye, ya ku saala na a vola, Ni mu lola inze mbeye musuuviri ku Mwami, mwingiri mu inyumba yange mu menye. Kandi ya ku niga.

Varumi 16:23

Gayo wa ng'enihi ho kandi u genihidzi livugana lyosi, a chelidza mwinye. Erasto umulindi wevindu vyelidala a mu chelidza, kandi Koarito amitu wetu.

1 Vakorintho 9:17

Kigira ni nkola yaga nobuyanzi bwange mwene, mbeye namadanyi: navutswa ni bu ta li ubuyanzi bwange mwene, mbebeywi ubulindi bwevangeli.

Vahebraina 6:10

Kigira Nyasaye si a li nobudamano kuduka kwivirira miyinzi nobuyanzi bwenyu bwa mwa lang'aminya ku lieta lilye, ku litumekira avatakatifu, kandi mu va tumekiranga.

2 Yohana 1:8

Mwehenze mwinye avene, mu vule kugotidza vindu yivyo vya kwa kola, navutswa mu duke kunyola madanyi madukiru.