Matayo 10:30 - KITABU KITAKATIFU

³⁰ Navutswa amasugene goku mitwe gyenyu ga validzwa gosi.

Matayo 10:30 ပူးပေါင်းရင်းမြစ်များ

2 Samweli 14:11

Ma ya vola, Nku goonya, mwami widzulitse Ya hova Nyasaye wowo, wokuvanza kisalya kyamasahi, a ta dividza kandi kuvita, gase va la dividza mwana wange. Naye ya vola, Kuli Yahova a veye mwoyo, li la vula kugwa hasi kali lisu lilala lyomwana wowo.

1 Avami 1:52

Na Solomoni ya vola, Na a va na a loleka kuva mundu mulahi, lisu lilye kali lilala li la vula kugwa hasi; navutswa ubudamano ni bu loleka muye, a la kudza.

Luka 12:7

Navutswa kali lisu lyene lyoku mitwe gyenyu li mali kuvalidzwa lyosi. Mu ta tia: mwinye mu veye avalahi kuvita amatonderidzi manyingi.

Luka 21:18

Kandi lisu lyoku mitwe gyenyu si li li gota kali lilala.

Vikolwa 27:34

Kunangwa mmu goonya mu lie vyokulia: kigira yiki nobuhoni bwenvu kigira lisu ku mutwi gwomundu kali lilala si li li gota.

1 Samweli 14:45

Navandu va volera Saulo, Jonathan a la kudza naho, na a li niye wa kola ubukonyi bunene mu Israeli? Auwa: kuli Yahova a veye mwoyo, si li la gwa hasi lisu kali lilala lyomutwe gwigwe; kigira a koli miyinzi halala na Nyasaye lero, ma avandu va honnya Jonathan, a vule kukudza.