Matayo 10:28 - KITABU KITAKATIFU

²⁸ Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Matayo 10:28 ပူးပေါင်းရင်းမြစ်များ

2 Avami 17:39

navutswa mu la tia Yahova Nyasaye wenyu: naye a la mu honnya mwinye ku makono gavasigu venyu vosi.

Ayubu 37:24

Kigira yaga avandu va mu tidzanga: Si a henzanga avobugeeri mu myoyo.

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Kohelethu 5:7

Kigira ku bunyingi bwamaloto ga veye ga vutswa, na mmakuva manyingi: navutswa ive u tie Nyasaye.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Jeremia 5:22

Si mu tia inze? Yahova a vola: si mu degera imbiri wommoni mwange, inze wa vika muyeke kuva lwako lwenyanza, ku lilaga li singiranga madiku gosi, i vule kunyala kuvita? Kali viguvuli vyayo ni vyehinula, si vi nyala kuguuta; kali ni vi luuma, si vi nyala kuvita kulwo.

Matayo 10:26

Kigira yaga mu ta va tia: kigira si ha veye nekya kunikwa, ki li vula kukunulwa; kinga kya viswa, ki li vula kumannywa.

Matayo 25:46

Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.

Matayo 5:22

navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena.

Yohana 5:29

ma va twule mu, yavo va kola bulahi va duke ku lisimuguka lyelivamwoyo; navo ava kola ubudamano va duke ku lisimuguka lyelikalagirwa.

Vikolwa 21:13

Hene yaho Paulo ya tivula, Mu kola ki kulira nokwononya mwoyo gwange? Kigira inze si nzetegeki kubofwa kweng'ine, navutswa kali kwiitwa mu Yerusalemi kigira lieta lyo Mwami Yesu.

Vahebraina 10:31

Li veye likuva lyokutihidza kugwa mu makono ga Nyasaye welivamwoyo.

Vahebraina 11:35

Avakali va vugula avakudzu vavo mu lisimugukidzwa; navandi va saliridzwa nobudamano, va sula lihona lyavo, va duke kunyola lisimuguka lilahi kuvita.

Yakobo 4:12

Mulala weng'ine a veye mulombi wamalago nomukalagi, niye u nyalanga kuhonnya nokudividza: navutswa ive u veye ibwaha u kalagiranga mutende wowo?

1 Petro 3:14

Navu tswa ni mu va ni mu saliridzwa kigira ubulungi, mu veye nobugasu: kandi mu ta tia litihidza lyavo, kandi mu ta henda myoyo;

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.