Matayo 10:23 - KITABU KITAKATIFU

²³ Navutswa lwa va mu dambidza mu lidala lilala, mwirukire mu lindi: kigira rnmu volera ligali, Si mu li malilidza amadala ga Israeli, Mwana wa Adamu a ladza.

Matayo 10:23 ပူးပေါင်းရင်းမြစ်များ

Jeremia 26:21

Na Jehoiakim mwami, halala navandu avaluviriri veve vosi, navanene veve vosi, lwa va hulira makuva gege, mwami yenya kumwiita; navutswa Uria lwa ya hulira, ya tia ni yiruka, na a tsia Egepeti:

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Matayo 16:28

Ligali mmu volera, Avalala kuvo avasingira hano si va li lola likudza ligali, va kikiri kulola Mwana wa Adamu ni yadza mu bwami bwibwe.

Matayo 2:13

Lwa va mala kutsia, henza, ingelosi wo Mwami ya loleka ku Yosefa mmaloto, na a vola, Singira, u hile mwana na mama wewe, wiruke u tsie Egepeti, u menye yo ndadza nduke kukuvolera: kigira Herodi a lenya mwana kumwiita.

Matayo 23:34

Kigira yaga, henza, ntuma ku mwinye avaprofeti, navageeri, navang'odi: avalala kuvo mu liita nokuvabamba; navandi kuvo mu la va kuya mu masomero genyu nokuvadambidza mu madala na madala:

Matayo 23:36

Ligali, mmu volera, Vindu yivi vyosi vi la gwira likula yili.

Matayo 24:27

Kigira kuli luheni lu twula ivugwe na lu ng'ereng'ana madioli; iduka lyo Mwana wa Adamu li la va ndiyo.

Matayo 24:30

kunangwaheneyaho ki la lolekana migulu kilolekidzu kyo Mwana wa Adamu: ma tsihiri tsyosi tsyelirova tsi la lira, kandi va la lola Mwana wa Adamu yadza ku malesi gegulu netsingulu nobukumi bunene.

Matayo 24:34

Ligali mmu volera, Likula yili si li li vita, vindu yivi vyosi vi kikiri kukolwa.

Matayo 24:48

Navutswa mutugwa uyu mudamano na a va na a la vola mu mwoyo gwigwe, Mwami wange a ki lindagira;

Matayo 25:13

Kunangwa mu linde, kigira si mu manya lidiku ne isaa.

Matayo 26:64

Yesu ya mu volera, Ive u voye: navutswa mmu volera, Inyinga yidzanga mu la lola Mwana wa Adamu yikaye ku mkono mulungi gwo Wetsingulu, ni yadza kumalesi gomigulu.

Matayo 4:12

Lwa ya hulira Yohana u mali kuzamwa, ya tsia Galilaya:

Marko 13:26

Hene yaho va la lola Mwana wa Adamu ni yadza mu malesi netsingulu tsinene nobukumi.

Luka 18:8

Mmu volera A la va kalagira bwangu. Navutswa Mwana wa Adamu lwa a li duka, a la nyola lisuuvira mu lirova?

Luka 21:27

Hene yaho va la lola Mwana wa Adamu yadzira mu lilesi netsingulu nobukumi bunene.

Yohana 7:1

Inyima yevindu yivi Yesu ya vaya mu Galilaya: kigira si yenya kuvaya Buyuda, kigira Avayuda venya kumwiita.

Vikolwa 17:10

Nonoho avamitu va hila Paulo na Sila ubudiku va tsie kuduka Berea: navo lwa va mala kuduka yo vingira mu lisomero lya Vayuda.

Vikolwa 17:14

Hene yaho avamitu va hila Paulo kutsia kuduka ku inyanza: navutswa Sila na Timoteo va tigala yaho.

Vikolwa 20:1

Inyima wekivihiri kya kiring'ana, Paulo ya langa avegidzwi na a veganehidza na a va siivula, na a twula kutsia Makedonia.

Vikolwa 8:1

Tsindolo. Kandi Saulo ya bugirira likudza lilye. Ku lidiku yilyo lidambidzwa linene lya duka ku livugana lya li mu Yerusalemi; navo va salanywa vosi mu kivala kye Buyuda nekya Samaria, bugira avatumwa.