Matayo 10:21 - KITABU KITAKATIFU

²¹ Namwavo a la twulidza amwavo yiitwe, na ise a la twulidza mwana wewe: navana va la twulira avivuli, va kola viitwe.

Matayo 10:21 ပူးပေါင်းရင်းမြစ်များ

2 Samweli 16:11

Na Daudi ya volera Abishai, navatumekiri veve vosi, Henza, mwana wange, wa twula munda mwange yenyanga livamwoyo lyange: nasindi uyu Mubenjamini a la vula ndi kukola ligali kuvita yaga? U mu leke, u mu leke a nyege; kigira Yahova u mu lagi.

Ayubu 19:19

Avalina vange veligali va ndunyiranga, Na va nda yanza va girunkani kutwula ku inze.

Zaburi 50:20

Wikalanga kuvola gokuvukira amwavo wowo Na u hilanga tsimbemba ku mwana wa mama wowo.

Isaya 19:2

Na nda vukidza Avaegepeti kuhing'ana na Avaegepeti: na va la lwana sa mulala namwavo wewe, sa mulala na wakye; lidala nelidala, ubwami nobwami.

Zekaria 13:3

Kandi ga la duka ku vosi u profeta, hene yaho dada wewe na mama wewe ava mwivula va la mu volera, Ive si u la va mwoyo mba; kigira u voye makuva gobubehi ku lieta lya Yahova: na dada wewe na mama wewe va mwi vula va la mu tumita lwa a profeta.

Matayo 24:10

Hene yaho vanyingi va likigitala, kandi va la zamana avene, nokudunyirana.