Matayo 10:19 - KITABU KITAKATIFU

¹⁹ Navutswa lwa va li mu gumira, mu ta henda myoyo mba aga mu li tivula kinga aga mu li vola: kigira ku isaa yeyo mu la ka hebwe aga mu li vola.

Matayo 10:19 ပူးပေါင်းရင်းမြစ်များ

Kutwula 4:12

Kalunu, kigira yaga, u tsie, na nda va halala nomunwa gugwo, na nda kwegidza aga u li vola.

Kutwula 4:15

Na ive u la mu volera, nokuvika makuva mu munwa gwigwe: ninze nda va halala na rnunwa gugwo, kandi halala na munwa gwigwe, na nda mwegidza aga mu li kola.

Jeremia 1:7

Navutswa Yahova ya mbolera, U ta vola, Inze mbeye mwana; kigira u la tsia ku uyu wa nku hila kuye, na gosi aga nku laga u la ga vola.

Jeremia 1:9

Hene yaho nonoho Yahova ya nyira mukono gwigwe nokudira munwa gwange; Yahova ya mbolera, Henza, mbikanga makuva gange mrnunwa gugwo:

Matayo 10:18

kandi mu la hilwa imbiri wavanyampara navami kigira inze li ve lilolekidza kuvo noku Tsihiri.

Matayo 6:25

Yiki ni kigira mmu volera, Mu ta henda mwoyo ku liva mwoyo lyenyu, vya mu li lia kinga vya mu li nwa; kinga ku mubiri, vya mu li vika. Liva mwoyo si li vita vyokulia, nomubiri si gu vita tsingubo?

Matayo 6:31

Kunangwa mu ta henda mwoyo, ni mu vola, Ku la lia ki? Kinga, Ku la nwa ki? Kinga, Ku li yavala ki?

Matayo 6:34

Kunangwa mu ta henda mwoyo ku mugamba gundi: kigira mugamba gu la henda mwoyo namakuva gagwo. Ubudamano bwelidiku bu dukana nelidiku lyene.

Luka 12:11

Kandi lwa va li mu hila imbiri wavamavugana navanene navetsingulu, mu ta henda mwoyo kuganagana litivula kandi kuli wa mu li tivula kandi aga mu li vola:

Luka 12:12

kigira Roho Mutakatifu a la mwegidza mu isaa zana aga li mu dukira kuvola.

Vikolwa 6:10

Navutswa si va nyala kuguuta ubugeeri na Roho wa a vola naye.

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.