Matayo 10:16 - KITABU KITAKATIFU

¹⁶ Henza, inze mmu tuma kuli magondi hagati hevisalang'ongo; mu ve nobugeeri kuli tsinzoka, nobuhooma kuli makuulu.

Matayo 10:16 ပူးပေါင်းရင်းမြစ်များ

Litanga 3:1

Kunangwa inzoka ya li nobugeeri bwobugadi kuvita tsinyama tsyosi tsya Yahova Nyasaye ya li kulomba. Nayo ya volera mukali, Yee, Nyasaye a voye, Mu ta lia ku misala gyosi gyomulimi?

Litanga 3:13

Ma Yahova Nyasaye ya teva mukali, Ni kindu ki kya u koli? Na mukali ya vola, Inzoka ya ngada ni ndia.

Nehemia 4:13

Kunangwa kigira yaga nda vika avandu ha bwimbi bwolugaga mu bwiyangu bwenyima wolugaga halang'amu nda vika ho avandu kulonda bwiko bwavo nevivavi vyavo, namatimu gavo, nobuta bwavo.

Jeremia 40:16

Navutswa Gedalia mwana wa Ahikam ya volera Johanan mwana wa Karea, na a vola, U ta kola inkuva yiyi mba; kigira u volanga ububehi ku makuva ga Ishmaeli.

Hosea 7:11

Efiraim u gwiye kuli likuulu lisiru, li ta li nelimanya: vaniranga Egepeti, va tsitsanga Asuria.

Matayo 24:25

Henza, inze ntangi kumuvolera.

Matayo 24:45

Mutugwa mulahi nomugeeri ni bwaha, womwami wewe a vika a ve munene wenyumba yeye, kuvaha vyokulia vyavo vyetsinyinga tsi duka?

Matayo 25:2

Vatanu kuvo va li ava siru na vatanu kuvo va li avageeri.

Matayo 25:4

navutswa avageeri va hila maguta mu tsichupa tsyavo halala netsitaya tsyavo.

Matayo 25:9

Navutswa avageeri va tivula ni va va volera, Namusiya si ga la dukira kwinye na mwinye: nobulahi mu tsie kuvo ava gulanga maguta, mwegulire.

Luka 10:3

Mu tsie; henza, mmu tuma kuli avana vamagondi mu visalang'ongo.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Vikolwa 20:29

Inze mmanya inyima yokutwula kwange ivisalang'ongo vilulu vi lingira mu mwinye vi ta vererera kyayo;

1 Vakorintho 14:20

Avamitu, mu ta va avana mu bugeeri bwenyu: navutswa mu imbodoka mu ve kuli avana, navutswa mu ve avakulundu mu bugeeri.

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

2 Vakorintho 11:14

Kandi si li veye ligenya; kigira kali Setani mwene yegirunkanya a fwane ingelosi wobulavu.

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

2 Vakorintho 8:20

kwilinda mu inkuva yiyi ha ta va nomundu kali mulala u lola kindu ku kwinye ku vindu vyobuhaani bwa ku tumekira yibu:

Vafilipi 2:15

mu duke kuva avana va Nyasaye ava ta li nekindu kuvo, kandi avobuhokya, ava ta li nembala mu makula makyamu nagekirage aga mu lolekera mu kuva kuli avamulika mu lirova,

Vakolosai 1:9

Kigira yaga kwinye kandi, kutwula lidiku lya kwa hulira, si ku lekanga kusaala nokusaava kigira mwinye, mu duke kwizula limanya lyobulaliri bwibwe mu bugeeri bwosi nelimanya lya roho,

Vakolosai 4:5

Mu gende nobugeeri ku va veye kyova, mwegulire ubwiyangu.

1 Vatesalonike 2:10

Mwinye mu veye avalolekidzi, kandi Nyasaye, kuli wa kwa li nolugendo lwobutakatifu nobulungi, bugira kindu ku kwinye imbiri wenyu mwinye avasuuviri:

1 Vatesalonike 5:22

mwiyahule ku budamano tsing'ano tsyosi.