Matayo 10:15 - KITABU KITAKATIFU

¹⁵ Ligali mmu volera, Ubulahi bwekivala kya Sodoma nekya Gomora mu lidiku lyokukalaga bu la vita bwelidala yilyo.

Matayo 10:15 ပူးပေါင်းရင်းမြစ်များ

Matayo 12:36

Mmu volera, ama kuva gosi ga vutswa gavandu va vola, ga la validzwa mu lidiku lyokukalagira.

Matayo 5:18

Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Matayo 7:22

Ku lidiku yilyo vanyingi va la mbolera, Mwami, Mwami, si kwa profeta ku lieta lilyo, kandi si kwa twulidza amademone ku lieta lilyo, kandi si kwa kola miyinzi minene minyingi ku lieta lilyo?

Marko 6:11

Kandi hosi ha va ta mwingiridza nokuvula kumuhulira, lwa mu twula ho, mu vungulule lugukyi lu veye mu tsi nduvatiru, lu ve lilolekidza kuvo.

Yohana 12:48

Mundu u nyambakana, na a ta bugirira amakuva gange, a veye nomulala u mu kalagira: livola lya nda vola li la mu kalagira ku lidiku lyekiheri.

Yohana 6:39

Yibwo nibwo ubulaliri bwa uyu wa ntuma, ku vyosi vya ya mpa kindu kali kilala ki ta gota, navutswa nda ki simugukidza ku lidiku lyekiheri.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

1 Vakorintho 3:13

miyinzi gya vosi sa mulala gyi la lang'aminywa: kigira lidiku yilyo li la gyi lang'aminya, kigira gyi la lang'aminywa mu muliru; kandi muliru gwene gu la geridza miyinzi gya vosi sa mulala kuli wa gyi veye.

1 Vatesalonike 5:4

Navutswa mwinye, avamitu, si mu veye mu kisundi, lidiku yilyo li mu nyole kuli mwivi:

Vahebraina 10:25

ku ta leka livugana halala avene navene, ku ta va kuli miima gyavalala gyi veye, navutswa li ve litsuvana; kandi kukola kuvita ligali, inyinga mu lola lidiku yilyo lisunda himbi.

2 Petro 2:6

Na ya girunkannya madala ga Sodoma na Gomora ga gwe ligoke, ya ga kalagira ubudivi bwelitung'aminywa, na a ga kola kilolekidzu kuvo va li menya nelivula kutia Nyasaye;

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;

2 Petro 3:7

navutswa ligulu li veye ho kalunu, nelirova, kigira likuva zana li vikeywi kuduka mu muliru, li lindangwa kuduka ku lidiku lyelikalaga nokulidividzwa lyavandu ava vula kutia Nyasaye.

1 Yohana 4:17

Ku yaga ubuyanzi bu dukidzeywi ku kwinye, ku duke kunyola ubuluviriri mu lidiku lyokukalaga; kigira kuli a veye, kandi kwinye ku veye ndiyo mu lirova yili.

Yudasi 1:6

Kandi tsingelosi ava vula kulinda liva lyavo lyokutanga, navutswa va leka ubumenyo bwavo avene, a va lindanga mu libofwa lyamadiku gosi, mu kisundi kuduka mu likalagirwa lyelidiku linene yilyo.

Yudasi 1:7

Kuli Sodoma na Gomora, namadala yago ga li ahimbi nago, lwa va mali kwivika mu litsia mbakana, nokulonda mibiri gyindi, kufwana yago, aga vikeywi habulavu ga ve kyokuhenzera ku mu busaliri bwomuliru bwemihiga nemihiga.