12 Lwa mu lingira mu inyumba mu gi chelidze.
Mirembe gyi ve mu madigi gogo, Nobugasu mu tsinyumba tsitsyo tsyobwami.
Kigira avamwavo vange na avakye vange, Nda vola kalunu, Mirembe gyi ve mu ive.
Yavo kandi ni i va va la hulira, naho ni i va si va la hulira (kigira yavo va veye inyumba yebaala), navutswa va la manya ya li ho muprofeti hagati havo.
Kandi ku madala gosi notudala twosi twa mu lingira mu, mu teve ni bwaha yimu u veye mudukanu nelimenya lyenyu, mu menye ho mu luhe mu twule kandi.
Nayo ni i dukana nemirembe gyenyu, mu leke mirembe gyi menye kuyo: navutswa ni i ta dukana, mirembe gyenyu gyi mwiranire.
Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)
Kunangwa ku veye avatumwa kigira Kristo, kuli Nyasaye a goonyanga neminwa gyetu: ku goonya mwinye kigira Kristo, mu hambannywe na Nyasaye..
navutswa nsuuvira kukulola bwangu, kandi ku la volerana moni na moni.
na ndiyo mu la mbolera, u menyanga mbugasu, Mirembe gyi veye ku ive, nemirembe gyi veye ku inyumba yoyo, nemirembe gyi veye ku vyosi vya u veye navyo.
