Matayo 1:21 - KITABU KITAKATIFU

²¹ Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 1:21 ပူးပေါင်းရင်းမြစ်များ

Litanga 17:19

Nyasaye ya vola, Auwa, navutswa Sara mukali wowo a la kwivulira mwana; na u la mu gulika lieta lilye Isaka, na nda singeridza lilagana lyange naye kuva lilagana lyemihiga nemihiga noku visukululwi vivye inyima wewe.

Litanga 17:21

Navutswa nda singeridza lilagana lyange na Isaka, wa Sara a li kwivulira ku inyinga i lageywi ku muhiga gudzanga.

Litanga 18:10

Na ya vola, Ligali ndirana ku ive lwa tsinyinga tsi duka; na henza, Sara mukali wowo a livula mwana muyai. Na Sara ya hulira ha kiliango kyelihema, kya li inyima wewe.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 1:25

na a vula kuva halala naye na a luha na a duka kwivula mwana muyai; naye ya mu gulika lieta lilye YESU.

Luka 1:13

Navutswa ingelosi ya mu volera, U ta tia, Zekaria: kigira lisaala lilyo li huleywi, kandi mukali wowo Elisabeti a la kwivulira mwana muyai, lieta lilye, u la mu gulika Yohana.

Luka 1:31

Henza, ive u la vereka, u livula mwana muyai, u li mu gulika lieta lilye YESU.

Luka 2:11

kigira lero Muho nnyi wenyu naye a veye Kristo Mwami, wivuleywi mu lidala lya Daudi.

Luka 2:21

Madiku gatanu na gavaka, lwa ga duka ga va mu kevera mu, lieta lilye lya gulikwa YESU, kuli wengelosi ya mu gulika, na a kikiri kuverekwa.

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Yohana 4:42

Ni va volera mu kali, Kalunu si ku suuvira kigira livola lilyo: kigira kwinye avene ku mali kuhulira, kandi ku manya ligali uyu a veye Muhonnyi wavomkivala.

Vikolwa 13:23

Ku likula lyomundu uyu, kuli lilagana lilye, Nyasaye ya letera Israeli Muhonnyi, naye ni Yesu.

Vikolwa 3:26

Ku mwinye Nyasaye ya tanga kusingeridza Mutumekiri wewe na a mu tuma kumuha ubugasu, kuhunzula mwinye vosi mu twule mu budamano bwenyu.

Vikolwa 4:12

Kandi si ha li nobuhonnyi ku wundi: kigira si ha li nelieta lindi muse mweligulu, lya hebwa mu vandu, li ku niga ku honnywe nalyo.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.

Likunula 7:14

Na inze nda mu volera, Mwami wange, ive u manya. Naye ya mbolera, Yava nivo va twula mu kivi kinene yikyo, navo vogidzi tsingubo tsyavo mu masahi go Mwana Weligondi, nokutsikola tsi ve tsindavu.

Vakalagi 13:3

Na ingelosi wa Yahova ya loleka ku mukali uyu, na a mu volera, Henza, ive kalunu u veye mugumba, na wa vula kwivula arana; navutswa u la vereka, na u livula mwana muyai.

1 Samweli 1:20

na ga duka, lwa inyinga ya duka, Hana ya vereka, na yivula mwana muyai; na ya mu gulika lieta lilye Samweli, ya vola, Kigira nda mu saalira ku Yahova.