Matayo 1:20 - KITABU KITAKATIFU

²⁰ Navutswa lwa ya ganagana vindu yivi, henza ingelosi wo Mwami ya loleka kuye mu maloto na a vola, Yosefa, mwana wa Daudi, u ta tia kuleta Maria mkali wowo: kigira kya verekwa muye ki veye kya Roho Mtakatifu.

Matayo 1:20 ပူးပေါင်းရင်းမြစ်များ

Litanga 31:11

Na ingelosi wa Nyasaye ya mbolera mu maloto, Yakobo: na inze nda vola Mbeye hano.

Litanga 46:3

Naye ya vola, Inze mbeye Nyasaye, Nyasaye wa dada wowo: u ta tia kusulunguta Egepeti mba; kigira yeyo nda ku kola kuva ihiri inene:

1 Avami 17:13

Na Elija ya mu voiera, U ta tia mba; u tsie kukola kuli u voye; navutswa u tange kundugira ubukima bukekeke, u ndetere ha kyova hano, ma kandi u lugire ive mwene nomwana wowo.

1 Avami 3:5

Na Yahova ya loleka ku Solomoni ha Gibeon mmaloto inyinga yobudiku; na Nya saye ya vola, Teva ga wenyanga nda ku ha.

Zaburi 119:125

Mbeye mutumekiri wowo; u mpe limanya, Nduke kumanya lilolekidza lilyo.

Zaburi 143:8

U nkole kuhulira tsimbabasi tsitsyo mugamba tsuri; Kigira nsuuviranga ive: U mmannye inzira indukira kulonda kuyo; Kigira ngingira mwoyo gwange ku ive.

Zaburi 94:19

Ubunyingi bwetsiganagani tsyange mu inze Ubuleminyi bubwo bu sangalidzanga mwoyo gwange.

Tsing'ano 12:5

Tsiganagani tsyomulungi tsi veye tsinungi; Navutsu a makuva gomudamano ga veye ubugadi.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Isaya 7:13

Naye ya vola, Mu hulire kalunu avenyumba ya Daudi: Ni kindu kike keke ku mwinye kuluhidza avandu ga luhe ga duke kandi ku mwinye kuluhidza Nyasaye wange?

Isaya 7:2

Navandu venyumba ya Daudi, va hilirwa makuva, kuvola, Siria va hambani na Efiraim. Na ya timukwa enkolo, navandu veve, kuli misala gyommulitu gyi hungudzangwa ne mbuudza.

Jeremia 31:22

U la voyavoya kuduka inyinga ki, O mukana wirana inyima? Kigira Yahova u lombi inkuva impya mu lirova: Mukali a kinga musatsa.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Jeremia 40:9

Na Gedalia mwana wa Ahikam mwana wa Shafan ya visuhira yavo na vandu vavo, kuvola, Mu ta tia kutumekira Vakalidei mba: mu menye mu kivala, mu tumekire mwami wa Babuloni, na ndiyo bu la va bulahi ku mwinye.

Joeli 2:28

Na ga la va lwenyima, nda tsuka Roho wange ku avandu vosi; na avana venyu avayai navakana va la profeta, na avakulundu venyu va la lota maloto, na avasoleli venyu va la lola malola:

Livalidza 12:6

Na ya va volera, Mu hulire kalunu makuva gange: na a va na a veye ho muprofeti hagati henyu, inze Yahova ndelolekidza kuye mu malola, na nda volerana naye mu maloto.

Matayo 1:18

Livulwa lya Yesu Kristo lya li ndi. Mama wewe, Iwa Yosefa ya mala kumkwa, navutswa inyinga va kikiri kuva halala ya nyolwa na a ve inda ya Roho Mtakatifu.

Matayo 2:12

Ni va gerehidzwa mmaloto, va tirana ku Herodi, va tsia mu kivala kyavo kunzira yindi.

Matayo 2:13

Lwa va mala kutsia, henza, ingelosi wo Mwami ya loleka ku Yosefa mmaloto, na a vola, Singira, u hile mwana na mama wewe, wiruke u tsie Egepeti, u menye yo ndadza nduke kukuvolera: kigira Herodi a lenya mwana kumwiita.

Matayo 2:19

Navutswa Herodi lwa ya kudza, henza, ingelosi wo Mwami ya loleka ku Yosefa mmaloto mu Egepeti, na a vola,

Matayo 2:22

Navutswa lwa ya hulira Arkelao wamehi mu Buyuda mbugono bwa Herodi ise wewe ya tia kutsia yo; kandi na a gerihidzwa mmaloto ya twula ho na a tsia mkivala kya Galilaya.

Matayo 27:19

Lwa yikala kuntebe yokukalaga kyina, mkali wewe ya mu letera amakuva na a mu volera, U ta kola kindu ku mundu uyo mulungi; kigira lero nyoye lisaleridza linyingi mu maloto kuye.

Matayo 28:5

Ingelosi ya tivula na a volera avakali, Mu ta tia mba, mwinye; kigira mmanya mwenya Yesu wa bambwa.

Luka 1:19

Ingelosi ya tivula na a mu volera, Inze mbeye Gabirieli u singiranga imbiri wa Nyasaye; ntumeywi kuvolerana nive nokukuletera amakuva malahi yaga.

Luka 2:4

Kandi Yosefa yanegira kutwula Galilaya, mu lidala lya Nazareti, na a tsia Buyuda, mu lidala lya Daudi, lya langwa Bethlehemu, kigira ya li wenyumba naviko va Daudi;

Vikolwa 5:19

navutswa ingelosi wo Mwami yigula kiliango kyenyumba yava hambe ubudiku, na a va twulidza, na a vola,

Likunula 19:7

Ku yanze nokusangala ligali, kandi ku mu kuminye: kigira kiserero kyo Mwana Weligondi ki duki, kandi mukali wewe wetegeki.

Vakalagi 13:3

Na ingelosi wa Yahova ya loleka ku mukali uyu, na a mu volera, Henza, ive kalunu u veye mugumba, na wa vula kwivula arana; navutswa u la vereka, na u livula mwana muyai.