Matayo 1:11 - KITABU KITAKATIFU

¹¹ na Josia yivula Jekonia navamwavo veve, inyinga ya va hilwa mu Babuloni.

Matayo 1:11 ပူးပေါင်းရင်းမြစ်များ

2 Avami 23:31

Jehoahazu ya li nemihiga ma kumi gaviri na gyivaka lwa ya tanga kwameha; naye yameha imyeli gyivaka mu Yerusalemi: lieta lya mama wewe ya langwa Hamutali mukana wa Jeremia wa Libina.

2 Avami 24:14

Naye ya lanya Yerusalemi vosi navanene valyo vosi, na valuviriri avetsingulu vosi, avahambe tsielfu likumi, na vasidza vosi na vatuli vosi; si ha tigala nomundu mba, ni va ta li avadedekere, navadaka vekivala.

2 Avami 25:11

Na va tigala ku avandu vomu lidala, noku yavo aviruka, avirukira ku mwami wa Babuloni, na yava va tigala ku kiduma kinene, Nebuzaradan mu nyampara wavalindi ya va hila avahambe vosi.

2 Kyetsinyinga 36:10

Na lwa muhiga gwi rana mwami Nebukadinezaru ya tuma vatumwa, na ya mu hila Babuloni, halala neviju vyobuguli budinyu vyenyumba ya Yahova, na yamehidza Zedekia amwavo wewe ku Yuda na Yerusalemi.

2 Kyetsinyinga 36:20

Navo va hona ku kivavi ya tsia navo Babu loni; ni va gwa avatugwa kuye noku avana veve kuduka ku lyameha lya Vapersia:

Isaya 13:1

Ubuliduhu bwa Babuloni bwa Isaya mwana wa Amozu ya lola.

Jeremia 27:20

vya Nebukadinezaru mwami wa Babuloni va vula kuhila, lwa ya hila Jekonia mwana wa Jehoiakim, mwami wa Yuda, mbuhambe, kutwula Yerusalemi kutsia Babuloni, navandu avanene vosi ava Yuda na va Yerusalemi;

Jeremia 39:9

Hene yaho Nebuzaradan munyampara wavalindi wa hila vahambe na a tsia navo Babuloni yavo avatigala ku vandu mu lidala, na viruki, yavo va tsia kuye, nelitigala lyavandu va tigala.

Danyeli 1:2

Na Yahova ya vika Jehoiakim mwami wa Vayuda mu mukono gwigwe, halala nekidieli kyeviju vyenyumba ya Nyasaye; naye ya vi vugula na a tsia navyo kuduka mu kivala kya Shinaru mu inyumba yomunyasaye wewe; na a vika viju zana mu inyumba yakiba yomunyasaye wewe.

Matayo 1:12

Inyima yokuhilwa mu Babuloni, Jekonia yivula Shealitieli; na Shealitieli yivula Zerubabeli;

Matayo 1:17

Amakula gosi kutwula wa Abrahamu kuduka ku Daudi amakula ga veye likumi na gane; nokutwula ku Daudi kuduka inyinga yokuhilwa mu Babuloni amakula ga veye likumi na gane; nokutwula inyinga yokuhilwa mu Babuloni kuduka ku Kristo amakula ga veye likumi na gane.