Marko 9:32 - KITABU KITAKATIFU

³² Navutswa si va hulira bulahi amakuva yaga mba, kandi va tia kumuteva.

Marko 9:32 ပူးပေါင်းရင်းမြစ်များ

Marko 16:14

Lwenyima ya loleka ku va li likumi na mulala avene lwa va li ni vikaye ku vyokulia; na a va gondokera ku livula kusuuvira lyavo nobudinyu bwemyoyo, kigira va vula kusuuvira yavo ava mu lola lwa ya mala kusimuguka.

Marko 7:18

Na a va volera, Mwinye kandi mu vula kuhulira ndi? Si mu manya mba vindu vyosi vi veye kyova ni vingira mu mundu si vi nyala mba kumukola mudamano;

Marko 8:33

Na a girunkana, na a lola avegidzwi veve, na a gondokera Petro, na a mu volera, Yirane inyima wange, Setani; kigira ive si u ganagana vindu vya Nyasaye, navutswa vindu vyavandu.

Marko 9:10

Ku va visa amakuva ni va tevana, ni kindu ki lisi muguka mu vakudzi.

Luka 18:34

Navo si va hulira vindu yivi; livola yili lya viswa, kandi si va manya vindu vya volwa.

Luka 2:50

Si va hulira lugano lwamakuva ga ya va volera.

Luka 24:45

Hene yaho ya va kunulira ubugeeri bwavo, va duke kumanya mang'oda;

Luka 9:45

Navutswa si va hulira livola yili, kandi lya viswa va ta duka kulimanya; ni va tia kumuteva ku livola yili.

Yohana 12:16

Vindu yivi avegidzwi veve si va hulira lwambiri: navutswa Yesu lwa ya mala kukuminywa, kunangwa vidzulitsa yaga ga ng'odwa kuye kale, kandi va mu kolera vindu yivi.

Yohana 16:19

Yesu ya manya venya kumuteva, naye ya va volera, Mu tevana mwinye ku yilyo lya mmu volera, Ha tigaye hakekeke, si mu la ndola, kandi ha tigaye hakekeke, mu la ndola?

Yohana 4:27

Hene yaho avegidzwi veve vadza; ni va genya ya volerana nomukali; navutswa mundu si ya mu teva, Wenya ki ive? Kinga, Kigira ki u volerana naye?