Marko 9:25 - KITABU KITAKATIFU

²⁵ Yesu lwa ya lola avandu va nyagula ni va vunga, ya gaya mwoyo mudamano na a gu volera, Mwoyo gu ta vola no gwa hana amatu, nku ha munwa, twula kuye u tingira kandi.

Marko 9:25 ပူးပေါင်းရင်းမြစ်များ

Zekaria 3:2

Na Yahova ya volera Setani, Yahova a ku gondokire, O Setani; yee, Yahova u tovoye Yerusalerni a gondokire ive: yiyi si i veye isese yaakanga ya twulidzwa ku muliru?

Matayo 12:22

Hene yaho va mu letera welidemone lya gumira, mboku nedimbidi: na a mu honnya, nedimbidi ya luha na a vola na a lola.

Matayo 17:18

Yesu ya li gaya; nelidemone lya twula kuye: na muyai ya hona inyinga zana yeyo.

Marko 9:15

Nonoho kiduma, lwa kya mu lola, kya genya munonono, va nyagula ni va tsia kuye ni va mu chelidza.

Marko 9:24

Nonoho ise womwana va gamba na a vola, Mwami, nsuuvira; u konye livula kusuuvira lyange.

Marko 9:26

Gwa hanzuka ni gu mu tandula munonono, gu twula mu muyai na a gwa na a fwana mukudzu; avanyingi kuvo va luha va vola, U kudzi.

Luka 11:14

Ya li na a twulidza lidemone lya li idimbidi. Lwa lya twula mundu wa li idimbidi ya vola; na viduma vya genya.

Luka 4:35

Yesu ya mu gaya, na a mu volera, Kiring'ana, u twule kuye. Lidemone lwa lya mala kumutula hasi, hagati havo lya twula kuye, si lya mu kola kindu.

Luka 4:41

Kandi amademone ga twula ku vanyingi, ni ga hanzuka, ni ga vola, Ive u veye Mwana wa Nyasaye. Ya ga gaya, si ya ga leka ga vole, kigira ga manya a veye Kristo.

Luka 8:29

Kigira y a li na a heve roho mudamano munwa kutwula ku mundu uyu. Kigira madiku manyingi gwa li ni gu mu gumira: naye ya lindwa na a bofwa neminyororo nevivya; navu tswa ya kalanya vya a boherwa, na lidemone lya mu kunga ni li mu hila mwigendanyama.

Luka 9:42

Na a ki tsia, lya mu tula hasi, lidemone, ni li mu tandula ligali. Navutswa Yesu ya gaya roho mudamano, na a honnya muyai, na a mu ha ise.

Vikolwa 16:18

Ya kola ndiyo madiku manyingi. Navutswa Paulo ya verera ligali, na a girunkana na a volera mwoyo yigwo, Nku laga ku lieta lya Yesu Kristo, u twule kuye. Kandi gwa twula isaa zana yeyo.

Yudasi 1:9

Navu tswa Mikaeli ingelosi munene, lwa ya hing'ana na Setani nokuhangali dzana naye ku mubiri gwa Musa, si ya luvirira kuleta kuye likalagirwa lyamanyego, navutswa ya vola, Mwami a ku gaye.