Marko 9:23 - KITABU KITAKATIFU

²³ Yesu ya mu volera, Nu u va nu u nyala Vindu vyosi vi nyalika kuye u suuviranga.

Marko 9:23 ပူးပေါင်းရင်းမြစ်များ

2 Kyetsinyinga 20:20

Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

Matayo 14:29

Na a vola, Hamba. Petro ya twula mbwato, na a genda ku madzi kutsia ku Yesu.

Matayo 17:20

Na a va volera Kigira lisuuvira lyenyu ni likekeke. Kigira mmu volera, Ligali, ni mu ve nelisuuvira kuli bugutsa bwelisatsi, mu la volera kigulu yiki, Twula hano, wisunde hala; ki lisunda; kandi vindu vyosi vi la nyalika ku mwinye.

Marko 11:23

Ligali mmu volera, Ku vosi u li volera kigulu yiki, Ive u gingwe u sikiswe mu inyanza; kandi u ta hayahayidza mu mwoyo gwigwe, navutswa a suuvira mu mwoyo amakuva gege ga la kolwa; uyu a la ga nyola.

Marko 9:22

Kanyingi gu mu luguta mu muliru nomu madzi, kumwononnya: navutswa ive nu u va nu u nyala kukola kindu, u ku vere tsimbabasi, u ku konye.

Marko 9:24

Nonoho ise womwana va gamba na a vola, Mwami, nsuuvira; u konye livula kusuuvira lyange.

Luka 17:6

Mwami ya va volera, Ni mu veye nelisuuvira li leng'ana nolugutsa lwelisatsi, nkano mu volera mukuyu yigu, Kunyuka hano u simikwe mu inyanza; nagwo nkano gwa ka mu hulira.

Yohana 11:40

Yesu ya mu volera Si nda ku volera, Nu u suuvira u la lola ubukumi bwa Nyasaye?

Vikolwa 14:9

Uyu ya hulira Paulo na a vola: Paulo ya mwumika na a lola a veye nelisuuvira lyokuhonnywa,

Vahebraina 11:6

kandi bugira lisuuvira si ga nyalika kuyanzeka kuye; kigira uyu uudzanga ku Nyasaye ga mu dukira kusuuvira a veye ho, kandi niye muhaani wa madanyi ga yavo ava mwenyanga.