Marko 9:20 - KITABU KITAKATIFU

²⁰ Va mu hila kuye: lwa ya mu lola, nonoho mwoyo gwa mu tandula munonono; na a gwa hasi na a gomagoma yiyi na yiyi na a twula lifwulu.

Marko 9:20 ပူးပေါင်းရင်းမြစ်များ

Marko 1:26

Lwa gwa mala kumugova, nokulira nomwoyo munene, mwoyo mudamano gwa twula kuye.

Marko 9:18

lwa gu mu gumira gu mu tandula; na a twula lifwulu na a dyedyeidza amino, na a kinda: nda volera avegidzwi vovo va gu twulidze; navutswa si va nyala mba.

Marko 9:19

Ya va tivulira na a vola, Likula li vula kusuuvira, nda va halala nemwinye kuduka inyinga ki? Ndekudzihidzira ku mwinye kuduka inyinga ki? Mu mu lete ku inze.

Marko 9:21

Na a teva ise wewe, Ya jagwa inyinga ki ndi? Na a mu volera Ya jagwa inyinga ya ya li na a kikiri mwana.

Marko 9:26

Gwa hanzuka ni gu mu tandula munonono, gu twula mu muyai na a gwa na a fwana mukudzu; avanyingi kuvo va luha va vola, U kudzi.

Luka 4:35

Yesu ya mu gaya, na a mu volera, Kiring'ana, u twule kuye. Lidemone lwa lya mala kumutula hasi, hagati havo lya twula kuye, si lya mu kola kindu.

Luka 8:29

Kigira y a li na a heve roho mudamano munwa kutwula ku mundu uyu. Kigira madiku manyingi gwa li ni gu mu gumira: naye ya lindwa na a bofwa neminyororo nevivya; navu tswa ya kalanya vya a boherwa, na lidemone lya mu kunga ni li mu hila mwigendanyama.

Luka 9:39

kandi henza, lidemone li mu gumira, na nonoho a kupa tsikwili; kandi li mu tandula na a tula lifwulu kandi si lyenya kutwula kuye, li mu kindukidza ligali.

Luka 9:42

Na a ki tsia, lya mu tula hasi, lidemone, ni li mu tandula ligali. Navutswa Yesu ya gaya roho mudamano, na a honnya muyai, na a mu ha ise.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira: