Marko 8:36 - KITABU KITAKATIFU

³⁶ Mundu na a va na a nyola vyomu lirova vyosi na a gotidza liva mwoyo lilye, vi mu konya ki?

Marko 8:36 ပူးပေါင်းရင်းမြစ်များ

Ayubu 2:4

Na Setani ya tivulira Yahova, na a vola, Ligodo ne ligodo, yee, vyosi vyomundu a veye navyo a la haana kigira liva mwoyo lilye.

Ayubu 22:2

Mundu ku vosi a nyala ku konya Nyasaye? Ligali wobugeeri yekonyanga mwene.

Zaburi 49:17

Kigira lwa a kudza si a la hila kindu halala naye; Ubukumi bwibwe si bu liika inyima wewe.

Malaki 3:14

Mwinye mu vola, Litumekira Nyasaye si li veye nevya mbeti; kandi lilinda lya kwinye ku linda bulindi bwibwe li konya ki, na ligenda lyokugenda neliverera imbiri wa Yahova wa mahe, li konya ki?

Matayo 16:26

Mundu na a nyola lirova lyosi navutswa a gotidza liva mwoyo lilye, li li ka mu konya ki? Kinga mundu a la gula ki liva mwoyo lilye?

Marko 8:35

Ku vosi yenya kuhonnya liva mwoyo lilye a la li gotidza; kandi uyu u gotidza liva mwoyo lilye kigira inze nevangeli, a la li honnya.

Marko 8:37

Mundu a la gulidza ki liva mwoyo lilye?

Luka 9:25

Kigira mundu a la nyola ubulahi ki, na a nyola lirova lyosi, navutswa yedividza kinga yegotidza?

Varumi 6:21

Inyinga zana mwa li namakuyu ki mu vindu vya mu veye soni navyo kalunu? Kigira kiheri kyevindu yivyo ni likudza.