Marko 8:31 - KITABU KITAKATIFU

³¹ Na a tanga kuvegidza vindu vinyingi, na a vola, Mwana wa Adamu, ga mu dukira kukupidzwa kivi kinene, kandi avakulundu, na vasalisi vanene, navang'odi va la mu lega nokumwiita, kandi inyima yama diku gavaka a la simuguka kandi.

Marko 8:31 ပူးပေါင်းရင်းမြစ်များ

Zaburi 118:22

Ligina lya avombaki va sula Li gwiye mutwe gwo lwiga.

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Hosea 6:2

Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe.

Jona 1:17

Na Yahova ya tegekidza isudzi inene kumira Jona; na Jona ya li mu munda mwesudzi madiku gavaka mbasu nobudiku.

Matayo 12:40

Kigira kuli Jona ya li mmunda mwesudzi inene amadiku gavaka; kandi Mwana wa Adamu a la va ndiyo amadiku gavaka mmwoyo gwelirova.

Matayo 21:42

Yesu ya va volera, Si mwa soma mang'oda, Ligina lya vombaki vambakana, Yili lya duka kuva mutwe gwoiwiga; Yaga ga twula ku Mwami, Ga veye gokugennya mu tsimoni tsyetu?

Matayo 27:63

ni va vola, Mwami, kwidzulitsa uyo mugadi ya vola lwa ya kikiri mwoyo, Inze inyima ya madiku gavaka nda simuguka.

Marko 12:10

Si mu somi kali ling'oda yili: Ligina lya vombaki va suye, Yili lyene lya kolwa mutwe gwo lwiga

Luka 17:25

Navutswa agembiri ga mu dukira kugwi rwa vindu vinyingi, nokwambakanwa nelikula yili.

Luka 24:26

Si bu li bulahi Kristo a saliridzwe vindu yivi vyosi nokwingira mu bukumi bwibwe?

Luka 24:44

Kandi ya va volera, Yaga namakuva ga nda mu volera, lwa nda li halala nemwinye, Vindu vyosi vya ng'odwa ku inze mu lilaga ya Musa nomu vaprofeti nomu zaburi, vi nigwa vi kolwa.

Yohana 12:48

Mundu u nyambakana, na a ta bugirira amakuva gange, a veye nomulala u mu kalagira: livola lya nda vola li la mu kalagira ku lidiku lyekiheri.

Yohana 2:19

Yesu ya tivula na a va volera, Mwononnyi litempeli yili, na inze nda li singeridza ku madiku gavaka.

Vikolwa 7:35

Musa uyu wa va sula, va vola, Ibwaha ya ku vika u ve munene nomukalagi? Niye wa Nyasaye ya tuma a ve munene nomubohololi, nomukono gwengelosi wa loleka kuye mu kasala.

1 Vakorintho 15:4

kandi ya tebwa; kandi u mali kusimu gukidzwa ku lidiku lya kavaka kuli mang'oda;

1 Samweli 10:19

navutswa mwinye lero mu suye Nyasaye wenyu, wa honnya mwinye mwene kumutwulidza mu kivi kyenyu kyosi nombuvereri bwenyu; na mu mu voleye, Auwa, navutswa wamehidze mwami ku kwinye. Kunangwa kalunu, mwevungidze avene imbiri wa Yahova kuli tsihiri tsyenyu, ne tsielfu tsyenyu.

1 Samweli 8:7

Na Yahova ya volera Samweli, U hulire mwoyo gwavandu yava mu gosi ga va ku volera; kigira si ga veye vambakananga ive mba, navutswa vambakananga inze, mbule kuva mwami kuvo.