Marko 7:34 - KITABU KITAKATIFU

³⁴ ya henza igulu na a twula imiyika, na a mu volera, Efata, livola lyago li veye, Igulika.

Marko 7:34 ပူးပေါင်းရင်းမြစ်များ

Kutwula 2:23

Kunangwa inyima wa madiku yago manyingi, mwami wa Egepeti ya kudza: na avana va Israeli va kenva kigira ubutugwa, na va lira na lilira lyavo lya duka imbiri wa Nyasaye kigira ubutugwa.

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Marko 1:41

Yesu ya mu vererera, na a nyira mukono na a mu dira, na a mu volera, Nyenya, u hone.

Marko 15:34

Ku isaa i kola tsitanu na tsine Yesu ya hanzuka nomwoyo munene, Eloi, Eloi, lama sabakatani? Iigirunkanywa lyago li veye kuvola, Nyasaye wange, Nyasaye wange, kigira ki u ndeki?

Marko 5:41

Na a gumira mwana mkono gwigwe, na a mu volera, Talita kumi, livola lyago nokuvola, Mkana, nku volera, Vuka.

Marko 6:41

Ya vugula milango gyitanu ne tsisudzi tsiviri, na a henza igulu, na a santidza, na a megannya milango, na a ha avegidzwi va gyi vike imbiri wavo; kandi tsisudzi tsiviri ya gavulira vosi.

Marko 7:35

Nonoho amatu gege gigulika na mugoye gwolulimi gwa bohololwa, na a vola bulahi.

Marko 8:12

Na a twula imiyika ligali mu roho gwigwe, na a vola, Kigira ki likula yili lyenya kulola kyokulolekidzira? Ligali mmu volera, likula yili si li li hebwa kyokulolekidzira mba.

Luka 18:42

Kandi Yesu ya mu volera, U duke kulola: lisuuvira lilyo li ku honnyi.

Luka 19:41

Kandi lwa ya duka himbi, ya lola lidala, na a li lirira,

Luka 7:14

Yisunda himbi na a dira ku ludigi: navo ava lu ginga va singira. Naye ya mu volera, Muyai, nku volera, Vuka.

Yohana 11:33

Yesu lwa ya mu lola na a lira, na Vayuda ava mu londa va lira, ya kenya, na a henda mwoyo,

Yohana 11:35

Yesu ya twula maliga.

Yohana 11:38

Ma Yesu ya kenya hali kaviri, ya duka ha kilindwa. Nakyo kya li mu luhangaywa, kandi ligina lya vikwa ku.

Yohana 11:41

Kunangwa va twulidza ligina. Na Yesu ya henza migulu na a vola, Dada, nku santidza kigira wa mbulira.

Yohana 11:43

Kandi lwa ya mala kuvola ndi, ya langa nomwoyo munene, Lazaro, u twule.

Yohana 17:1

Yesu ya vola yaga, na a digulukidza tsimoni tsitsye igulu, na a vola, Dada, isaa i mali kuduka u kuminye Mwana wowo, Mwana a duke kukuminya ive:

Vikolwa 9:34

Kandi Petro ya mu volera, Ainea, Yesu Kristo a ku honnya: vuka, wale kitali kikyo. Kandi va vuka nonoho.

Vikolwa 9:40

Navutswa Petro ya va hila kyova vosi, na a sigama na a saala; ma ya girunkanira mubiri, na a vola, Tabitha, vuka. Naye ya kunula tsimoni; kandi lwa ya lola Petro, yikala.

Vahebraina 4:15

Kigira si ku veye nomusalisi munene u ta nyala kuverera ku budedekere bwetu; navutswa uyu wa geridzwa mu vindu vyosi kuli kwinye, navutswa bugira ubwoni.