Marko 7:21 - KITABU KITAKATIFU

²¹ Kigira vi twula mugati, mu mwoyo gwavandu, tsiganagani tsindamano, nokutsia mbakana, nokwiba, nokuluminda, nokuheya,

Marko 7:21 ပူးပေါင်းရင်းမြစ်များ

Litanga 6:5

Kandi Yahova ya lola ubudamano bwa avandu bwa li bunene ku lirova, kandi lisaavira lyosi na tsinganagani tsyomwoyo gwavo tsya li ubudamano bwere kazozo.

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Ayubu 14:4

Ni bwaha u nyala kutwulidza kindu kinifu ku kidamano? Si ha veye nonyala.

Ayubu 25:4

Mundu a nyala ndi kuvolwa kuva mulungi imbiri wa Nyasaye? Kinga a nyala ndi kuva munifu womukali yivula?

Zaburi 119:36

U yekidze mwoyo gwange ku lilo lekidza lilyo, Gu ta yeka ku likayirwa.

Zaburi 14:1

A Musiru a voli mu mwoyo gwi gwe, Si ha veye na Nyasaye. Va veye avadamano, va koli agokuvihiriridza; Si ha veye nomulala u kolanga ubulahi.

Zaburi 14:3

Vosi va tsia haluvega; va gwiye avekifwabwi halala; Si ha veye nokolanga bulahi, kali mulala.

Zaburi 53:1

Musiru a vola mu mwoyo gwigwe, Nyasave si a veye ho. Va mali kwoneka, kandi va koli agokuvihiriridza ligali; Si ha veye na u kolanga ubulahi.

Zaburi 53:3

Vosi virani inyima; va gwiye avadamano vosi; Si ha veye ho na u kolanga ubu lahi, kali mulala.

Tsing'ano 15:25

Yahova a liiha inyumba yowoluyai; Navutswa a la dinnya ulwako lwamukunzakali.

Tsing'ano 4:23

U linde mwoyo gugwo netsingulu tsyosi Kigira vyosi vyelivamwoyo vi twula kugwo.

Isaya 59:13

mu lihyola nokwambakana Yahova, nokugirunkana kuvula kulonda Nyasaye wetu, nokuvola lidambidza nekirage, lisaavira nokutwulidza mu myoyo makuva gobubehi.

Isaya 59:7

Virenge vyavo vi nyagula tsimbiru kukola budamano, navo va kola bwangu kut ahidzo masahi ga ta li nekindu: tsiganagani tsyavo tsi veye tsyobudamano; mu mahasi gavo ha veye vutswa nobwoneku.

Jeremia 16:12

Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Ezekieli 38:10

Mwami Nyasaye a vola ndi: Ga la duka mu lidiku yili, tsiganagani tsi lingira mwoyo gugwo, na ive u la saavira lisaavira lidamano:

Matayo 15:19

Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi:

Matayo 9:4

Yesu ya manya tsi ganagani tsyavo na a vola, Kigira ki mu ganagana ndi ubudamano mmyoyo gyenyu?

Marko 7:20

Kandi ya vola. Vi twula mu mundu vi nyala kumukola mudamano.

Marko 7:22

nokukayirwa vyavene, nekirage, nobugadi, nobuhuuvali, nemoni indamano, nokunyega, nokwigingira, nokusiruhala.

Luka 16:15

Naye ya va volera, Mwinye mu veye avehedza ubulungi imbiri wavandu; navutswa Nyasaye a manya myoyo gyenyu: kigira kya vandu vidzominya ki veye kidamano ligali imbiri wa Nyasaye.

Vikolwa 5:4

Inyinga gwa li gugwo si gwa li ubutugi bubwo mwene? Kandi lwa gu mali kugulwa, si gwa li mu tsingulu tsitsyo? Kigira ki u ganagana ndi mu mwoyo gugwo? Si u volera mundu ububehi, navutswa u volera Nyasaye.

Vikolwa 8:22

Kigira yaga weganire ubudamano bubwo yibu, u saale Mwami, ni mbula u samefwe tsiganagani tsyomwoyo gugwo.

Varumi 7:5

Kigira lwa kwa li mu liva lyomubiri, likayirwa lyo bwoni lya li mu lilaga lya kola mu vivero vyetu kuduka kwama makuyu gelikudza.

Varumi 7:8

Navutswa ubwoni, lwa bwa nyola ubwiyangu ku lilaga, bwa kola mu inze likayirwa tsing'ano netsing'ano, kigira bugira lilaga bwoni bu kudzi.

Vakolosai 3:5

Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa.

Tito 3:3

Kigira kwinye kandi ku matsyambiri kwa li bugira limanya, kwa vula kuhulira, kwa gadwa, kwa tumekira likayirwa lidamano nelyeyanzidza lidamano tsing'ano netsing'ano, kwa menya mu imbodoka nomu likendeka, avavihiriridzi, avavihiriranwi avene navene.

Yakobo 2:4

si mu kola litovolannya avene navene, nokugwa avakalagi veliganagana lidamano?