Kunangwa kigira yaga, nda kalagira mwinye, O inyumba ya Israeli, sa mulala kuli tsinzira tsitsye, Mwami Nyasaye a vola. Mwirane, mu girunkane nokuleka amahyolo genyu gosi; na ndiyo ubwoneku bu la vula kuva ku mwinye.
Avasatsa va Nineve va la singira mu likalaga halala navasatsa velikula yili, kandi va la li kalagira: kigira veganira ku lilwadza lya Jona; kandi henza, u vita Jona a veye hano.
Mmu volera, Bu la ka ve ubuyanzi ndiyo migulu, kigira mundu mulala mwoni weganira, kuvita bwa vandu avalungi amakumi gatanu na gane navandu vatanu na vane ava ta li nobudaka bwelyeganira.
Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.
navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.