Marko 5:7 - KITABU KITAKATIFU

⁷ na a hanzuka, na a vola, Ku veye ndi nive, Yesu Mwana wa Nyasaye Uveye Igulu wa Vyosi? Nkwisuhidza ku Nyasaye u ta nda mbidza mba.

Marko 5:7 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

1 Avami 22:16

Mwami ya mu volera, Inze nkwisuhidze hali kanga u vule kumbolera likuva kali lilala, navu tswa ageligali ku lieta lya Yahova?

Hosea 14:8

Efiraim a la vola, Inze mbeye naki kandi ku vifwananyi? Mmali kutivula, na nda mu henza: inze mbeye kuli mutaragwa muvisi; makuyu gogo ga nyolekanga ku inze.

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Matayo 26:63

Navutswa Yesu ya kiring'ana. Musalisi munene ya mu volera, Nkwisuhidza Nyasaye weliva mwoyo u ku volere ive niye Kristo, Mwana wa Nyasaye.

Matayo 4:3

Ma, mugeridzi yadza na a mbolera, Ive nu u va nu u ve Mwana wa Nyasaye, u lage amagina yaga ga gwe ubu kima.

Matayo 8:29

Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka?

Marko 1:24

na a vola, Ku veye ndi nive, Yesu Munazareti? U dzi kukwononnya? Nku manya u veye Mutakatifu wa Nyasaye.

Marko 14:61

Navutswa ya kiring'ana, si ya tivula kindu mba. Kandi musalisi munene ya mu teva, na a mu volera, Ive ni Kristo, Mwana wo Mugasu?

Marko 3:11

Nemyoyo mida mano lwa gya mu lola, gya gwa hasi imbiri wewe ni gyi hanzuka ni gyi vola, Ive nu Mwana wa Nyasaye.

Marko 5:6

Navutswa lwa ya lola Yesu na a kikiri ihale ya nyagula na a mu sigamira,

Marko 5:8

Kigira ya mbolera Twula ku mundu, ive mwoyo muda mano.

Luka 1:32

A la ka ve munene, kandi a la ka langwe Mwana wa Uveye Igulu Ligali: kandi Mwami Nyasaye a la ka mu he kisako kya guga wewe Daudi:

Luka 4:34

Ai kwinye ku veye ndi nive Yesu Munazareti? Udzi kukwono nnya? Nku manya u veye ibwaha, Mutakatifu wa Nyasaye.

Luka 6:35

Navutswa mu yanze avasigu venyu, mu kole bulahi, mu hambidzane kivete mu ta suuvira mu liranyirwa; na madanyi genyu ga la va manene, kandi mu la va avana va Uveye Igulu Ligali: kigira a veye mulahi ku ava ta santidza navadamano.

Luka 8:28

Kandi lwa ya lola Yesu, ya hanzuka, na a gwa imbiri wewe, na a vola nomwoyo munene, Mbeye na ki nive Yesu, Mwana wa Nyasaye Uveye Igulu Ligali? Nku saala u ta nkupidza kivi mba.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Vikolwa 16:17

Naye ya londa Paulo na kwinye, na a hanzuka na a vola, Avandu yava navatumwa va Nyasaye U Veye Igulu Ligali, ava mwilwadzira inzira yobuhonnyi.

Vikolwa 19:13

Navutswa avalala ku Vayuda va vodonkana, avambuli, va geridza kutala lieta lyo Mwami Yesu kuvo ava syukirwa nemyoyo midamano, va vola, Mmu suhira ku Yesu wa Paulo yilwadza.

Vikolwa 8:36

Navo lwa va li va genda ku inzira va duka ha madzi malala: kitsiri ya vola, Henza amadzi; amakuva ki ga ngayidza nta batidzwa?

Varumi 16:20

Nyasaye wemirembe a la syonola Setani isi wevirenge vyenyu kalunu ndi. Tsimbabasi tsyo Mwami wetu Yesu Kristo tsi ve nemwinye.

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

Vahebraina 7:1

Kigira Melikizedeki uyu, mwami wa Salemi, musalisi wa Nyasaye U Veye Igulu ku Vyosi, waganira Abrahamu lwa ya twula kwiita avami, na a mu gasidza,

Yakobo 2:19

Ive u suuvira Nyasaye a veye mulala; u kola bulahi: amademone kandi ga suuvira, ni ga degera.

2 Petro 2:4

Kigira Nyasaye na a va ni ya vula kuvererera tsingelosi lwa vona, navutswa ya va ta mu gehena, nokuvavika mu bogo bwekisundi, va lindwe kuduke likalagirwa;

1 Yohana 3:8

u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.

Yudasi 1:6

Kandi tsingelosi ava vula kulinda liva lyavo lyokutanga, navutswa va leka ubumenyo bwavo avene, a va lindanga mu libofwa lyamadiku gosi, mu kisundi kuduka mu likalagirwa lyelidiku linene yilyo.

Likunula 12:12

Kunangwa, O Ligulu, sangali, kandi mwinye ava menya mu. O bayaye bu veye ku lirova noku inyanza: kigira Ibilisi wiki ku mwinye, a veye nobutima bunene, kigira a manya a veye nenyinga inkekeke vutswa.