Marko 5:29 - KITABU KITAKATIFU

²⁹ Nonoho litadza lyamasahi gege lya kalidzira; na a ma nya mu mubiri gwigwe u honnyeywi ulukudzo lwilwe.

Marko 5:29 ပူးပေါင်းရင်းမြစ်များ

1 Avami 8:37

Inzala ni yingira mu kivala, kinga plegi, kinga kimeyi, kinga bu guku, kinga tsisiti, kinga tsinkungu; ni i va vasigu vavo va va kumbiridza mu madala gekivala kyavo; liduya ku gosi, nobulwaye ku bwosi, ubu duka kuva ho;

Zaburi 103:3

U samehanga ubukyamu bubwo bwosi; U honnyanga ubulwaye bubwo bwosi;

Zaburi 107:20

A tuma likuva lilye, na a va honnya Kandi a va twulidza mu lidividzwa lyavo.

Zaburi 147:3

A honnyanga avemyoyo gya vunika, Na a boha tsing'oma tsyavo.

Zaburi 30:2

O Yahova Nyasaye wange, Nzanira ive, na ive u mbonnye.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kyavalevi 14:48

Na musalisi lwa yingira, nokuhenza, na lilwala ni li vula kulanda mu inyumba inyima welihomwa lyenyumba; hene yaho musalisi a la vola inyumba i veye indahi, kigira lilwala li honyeywi.

Kyavalevi 20:18

Na musatsa na a gona nomukali u tsiye mu mweli, nokuvimbula kyahonvo kikye; u vimbuve kisenukiru kikye, naye u vimbuye kisenukiru kya masahi gege: vombi va la twulidzwa mu avandu vavo.

Matayo 9:20

Kandi henza, mkali wa li na a lwala litadza masahi mihiga likumi negyiviri, yadza inyima na a mu dira ku lukigiti lwengubo:

Marko 3:10

Kigira ya honnya vanyingi; ni va mu mina va duke kumudira, vosi va li ni va veye netsinkudzo.

Marko 5:28

Kigira ya vola, Ni ndira ku ingubo yeye vutswa, nda honnywa.

Marko 5:34

Na a mu volera, Mkana wange, lisuuvira lilyo li ku honnyi; genda bulahi, u ve mulamu.

Luka 7:21

Ku isaa yeyo ya honnya vanyingi ubulwaye nobusaliri na roho midamano; navaboku vanyingi ya va ha lilola.