Marko 5:23 - KITABU KITAKATIFU

²³ na a mu goonya munonono, na a vola, Mkana wange mkekeke a lenya kukudza: nku goonya, udze u vike kuye makono gogo, a honnywe, a ve mwoyo.

Marko 5:23 ပူးပေါင်းရင်းမြစ်များ

2 Avami 5:11

Navutswa Naaman ya vihirirwa, na a tsia, na a vola, Henza, inze nda ganagana, ligali a ladza ku inze kyova, noku singira, nokwanira lieta lya Yahova Nyasaye wewe, nokuvitidza mukono gwigwe ha bulwaye, nokuhonnya wobugere.

Zaburi 107:19

Hene yaho vanira Yahova lwa va li mu lisaliridzwa, Naye a va honnya ku lidambidzwa lyavo.

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Matayo 8:3

Ya nyira mkono, na a mu dira, na a vola, Nyanza; u hone. Nonoho ubugere bwibwe bwa honnywa.

Marko 16:18

va la ginga tsinzoka, kandi ni va nwa kindu kyokwiita si ki nyala ligali kuvononnya mba; va la vika makono ku valwaye, na va la hona.

Marko 5:24

Na a tsia halala naye; nekiduma kinene kya mu londa, ni va mu mina.

Marko 6:13

Ni va kunga amademone manyingi, ni va vaka vanyingi avalwalanga maguta, ni va va honnya.

Marko 7:32

Va mu letera mundu wa hana amatu wa yovoya vutswa; va mu saala a vike mkono kuye.

Marko 8:23

Na a gumira mboku mkono, na a mu twulidza mu lidala; lwa ya ka tudza amate mu tsimoni, na a vika kuye makono, ya mu teva, U lola kindu?

Luka 13:13

Kandi ya vika makono gege kuye, na nonoho ya digululwa, ni yidzominya Nyasaye.

Luka 4:38

Ya twula mu lisomero ni yingira mu inyumba ya Simoni. Navizala wa Simoni ya li na a gumeywi uluhuudza lunene, ni va mu saala kigira uyu.

Luka 4:40

Liuva lwa lya yera, vosi ava li navalwaye, va lwala tsinkudzo lugano lugano, va va leta kuye; naye ya vika makono gege kuvo vosi na a va honnya.

Luka 7:12

Lwa ya duka himbi ha kiribwa kyelidala, henza, mukudzu ya letwa kyova, a veye muderwa ku mama wewe, naye nu mukunzakali, navandu vanyingi velidala va li halala naye.

Yohana 11:3

Kunangwa avabotso veve va tuma mutumwa ni va vola, Mwami, uyu wa u yanza a lwala.

Vikolwa 28:8

Kandi ise wa Publio ya li na a lwala uluhuudza nelikengyi: Paulo yingira ha veye na a saala Nyasaye, na a vika makono gege kuye na a mu honnya.

Vikolwa 6:6

ni va va vika imbiri wa vatumwa, navo lwa va mala kusaala Nyasaye va vika mikono gyavo kuvo.

Vikolwa 8:17

Kunangwa va vika makono gavo kuvo, navo va hebwa Roho Mutakatifu.

Vikolwa 9:12

kandi u mali kulola mundu a langwa Anania ni yingira na a vika makono kuye, a duke kulola.

Vikolwa 9:17

Na Anania ya tsia ni yingira mu inyumba, na a vika makono kuye na a mu volera, Saulo amitu, Mwami u ntumi, naye ni Yesu wa loleka ku ive ku inzira ya wa tsira ku, u duke kulola, nokwizula Roho Mutakatifu.