Marko 4:19 - KITABU KITAKATIFU

¹⁹ na madidikano gekivala, nobugadi bwobutugi, nelikayerwa lyevindu vindi, ma vingira ni vi kunika likuva li luhe li duke kuvula kwama.

Marko 4:19 ပူးပေါင်းရင်းမြစ်များ

Tsing'ano 23:4

U teluhidza mu lyenya ubutugi; U leke ubugeeri bubwo mwene.

Tsing'ano 23:5

U tumika tsimoni tsitsyo ku yiki ki ta li kindu, Kigira ligali ubutugi bwekolera tsimbaha, Kuli indidzu i bulukanga kutsia migulu.

Kohelethu 4:8

A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

Isaya 5:2

naye ya ki lima, nokutwulidza magina gakyo, nokusimika mu muzabibu mulahi kuvita gyosi, nokwombaka kitaradzi hagati hakyo, nokuyava mu kiminiru kyewaini: na a henzerera gwame mazabibu, navutswa gwama mazabibu gomulitu.

Isaya 5:4

Ha veye na miyinzi ki n gyindi gya li kunyala kukolwa mu kizabibu kyange, gya nda vula kukola? Kunangwa, kigira ki lwa nda henzerera kyame mazabibu, navutswa kyama mazabibu gomulitu?

Matayo 13:22

Na uyu wa midzwa mmafwa, uyu niye u hulira likuva, navutswa madidikano gekivala, nobugadi bwobutugi, bu kunika likuva, naye a vula kwama.

Matayo 19:23

Yesu ya volera avegidzwi veve, Ligali mmu volera, Nu budinyu mutugi kwingira mu bwami bwomigulu.

Matayo 3:10

Kandi kali kalunu imbadzi i vike ywi mvitinya vyemisala: ku misala gyosi gu tama makuyu malahi gu temagwa, gu tebwa mmuliru.

Marko 4:18

Avandi ava midzwa mmafwa; nava, va hulira likuva,

Luka 10:41

Navutswa Mwami ya tivula na a mu volera, Marita, Marita, u nyankana nokudidikana ku vindu vinyingi:

Luka 21:34

Navutswa mwinye mu gelihe gase myoyo gyenyu gyi la minika nobuhuvali nobuhambiki nobunyankani bwelivamwoyo yili, kandi lidiku yilyo li la mu nyola bwangu kuli mutego:

Yohana 15:2

Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu halulira lu dase kwama.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vafeso 6:12

Kigira ubulwani bwetu si bu li bwoku inyama namasahi, navutswa ku bwami, noku tsingulu, noku yava avamehanga mu kisundi yiki, noku mahe ga roho midamano mbwerefu.

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

2 Timoteo 4:10

kigira Dema, wa li ndeka, kigira u mali kuyanza vyelirova lya kalunu yili, kandi wa tsia Tesalonike; Keresike wa tsia Galatia, Tito wa tsia Dalamatia.

2 Petro 1:8

Kigira vindu yivi ni vi veye vyenyu nokukira, vi la mu kola mu vule kuva avagata kandi ava tama makuyu kuduka ku limanya Mwami wetu Yesu Kristo.

Yudasi 1:12

Yava va veye amagina gobuhimwa mu lilia lyenyu lyobuyanzi, inyinga va litsanga halala nemwinye, avayi aviyayanga avene bugira ubutii: kandi va veye amalesi ga ta veye namadzi, agembuudza i hilanga; kandi va veye misala gyenyinga amatu ga halulukanga, gyi ta veye namakuyu, misala gya kudza hali kaviri, nokwifwa ligali;