Marko 16:16 - KITABU KITAKATIFU

¹⁶ U suuvira na a batidzwe a la honnywa; u vula kusuuvira a la kyaywa.

Marko 16:16 ပူးပေါင်းရင်းမြစ်များ

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Marko 1:15

na a vola, Inyinga i duki, nobwami bwa Nyasaye bu veye himbi: mweganire, mu suuvire ivangeli.

Luka 8:12

Avoku inzira navo ava hulira; ma Setani yadza kutwulidza likuva zana mu myoyo gyavo, gase va la suuvira va hone.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 3:36

U suuvira Mwana a veye nelivamwoyo li ta hera mba; navutswa uyu u ta tia Mwana si a li lola livamwoyo, navutswa ubutima bwa Nyasaye bu menya kuye.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Yohana 6:29

Yesu ya tivula na a va volera, Miyinzi gya Nyasaye ni yigyi, mwinye mu suuvire uyu wa ya tuma.

Yohana 6:35

Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 8:24

Yiki ni kigira nda mu volera, Mu la kudzera mu bwoni bwenyu: ni i va mu vula kusuuvira inze niye, mu la kudzera mu bwoni bwenyu.

Vikolwa 10:43

Avaprofeti vosi va lolekidza uyu, ku lieta lilye vosi ava mu suuvira va la nyola lisamefwa lyobwoni.

Vikolwa 13:39

kandi ku uyu, vosi va mu suuvira va hebwa ubulungi ku litwulidzwa lya vyosi vyelilaga lya Musa li ta nyala kutwulidza.

Vikolwa 13:46

Paulo na Baranaba va luvirira ni va vola, Li nigwa likuva lya Nyasaye li tanga kuvolwa ku mwinye, navutswa kigi ra mu li luguta ihale, kandi si mwelola mu veye avalahi kuduka livamwoyo li ta hera mba, mu henze, kwinye ku girunkanira Tsihiri.

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 22:16

Kalunu u linda ki? Singira u batidzwe, wisinge ubwoni bubwo, wanire lieta lilye.

Varumi 3:6

Auwa, li gali: kigira ni ga ve ndiyo, Nyasaye a nyala ndi kukalagira lirova?

Varumi 4:24

navutswa ku kwinye kandi, ava li validzwa ndiyo, ava suuvira ku uyu wa simugukidza Yesu Mwami wetu kutwula mu vakudzu,

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

2 Vatesalonike 2:12

vosi va duke kukalagirwa amakuva gavo ava vula kusuuvira ageligali, navutswa va hongera kuyanza ubudamano.

1 Petro 1:21

ava mu vereye kuye, avasuuviri Nyasaye, wa mu simugukidza kutwula mu vakudzu, nokumuha ubukumi; lisuuvira lyenyu nelihenzerera vi duke kuva ku Nyasaye.

1 Petro 3:21

aga honnya mwinye kalunu ku lugano zana libatidza, si ga li kya twulidza liko lyomubiri, navutswa ga veye ku lyenya litivula lyomwoyo mulahi ku Nyasaye, kigira lisimugukidzwa lya Yesu Kristo;

Likunula 20:15

Kandi ku vowa vula kung'odwa mu kitabu kyelivamwoyo, ya tebwa mu inyanza yomuliru.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.