Marko 16:14 - KITABU KITAKATIFU

¹⁴ Lwenyima ya loleka ku va li likumi na mulala avene lwa va li ni vikaye ku vyokulia; na a va gondokera ku livula kusuuvira lyavo nobudinyu bwemyoyo, kigira va vula kusuuvira yavo ava mu lola lwa ya mala kusimuguka.

Marko 16:14 ပူးပေါင်းရင်းမြစ်များ

Livalidza 14:11

Na Yahova ya teva Musa, Avandu yava va la ndega kuduka inyinga ki? Na va la vula kusuuvira inze kuduka inyinga ki, kali ni nkoli vilolekidzu vyosi hagati havo?

Matayo 11:20

Hene yaho ya tanga kulemba madala aga gya kolwa mu miyinzi gyigye minene minyingi, kigira si geganira.

Matayo 17:20

Na a va volera Kigira lisuuvira lyenyu ni likekeke. Kigira mmu volera, Ligali, ni mu ve nelisuuvira kuli bugutsa bwelisatsi, mu la volera kigulu yiki, Twula hano, wisunde hala; ki lisunda; kandi vindu vyosi vi la nyalika ku mwinye.

Matayo 28:17

Lwa va mu lola va mu sigamira; navutswa avalala va hayahayidza.

Marko 7:18

Na a va volera, Mwinye kandi mu vula kuhulira ndi? Si mu manya mba vindu vyosi vi veye kyova ni vingira mu mundu si vi nyala mba kumukola mudamano;

Luka 24:11

Kandi amakuva yaga ga li kuvo kuli tsimbaka; kandi va vula kugasuuvira.

Luka 24:25

Kandi ya va volera, O avandu avasiru, avemyoyo midinyu kusuuvira vyosi vyavaprofeti va vola

Yohana 20:25

Kigira yaga avegidzwi vandi va mu volera, Ku mali kulola Mwami. Navutswa ya va volera, Ni nta lola tsimbala tsyemisumari mu makono gege, ni nta vika kidete kyange mu tsimbala tsyemisumari, kandi ni nta vika mukono gwange mu tsimbalu tsitsye, si nyala kusuuvira.

Yohana 20:26

Inyima ya madiku gatanu na gavaka, kandi avegidzwi veve va li mu inyumba, kandi Tomasi ya li halala navo. Viliango ni vi mali kuhanwa, Yesu yadza na a singira hagati, na a vola, Mirembe ku mwinye.

Yohana 20:27

Maku ya volera Tomasi, Leta kidete kikyo u lole makono gange, kandi u lete mukono u hambe mu tsimbalu tsyange: u ta vula kusuuvira, navutswa u suuvire.

Yohana 21:1

Inyima wa yaga Yesu ya loleka ku vegidzwi kandi ku inyanza ya Tiberia; na lilolekidza lilye lya li ndi.

Yohana 21:14

Yiyi ni inyinga i kola kavaka Yesu na a loleka ku vegidzwi, inyima lwa ya simuguka mu vakudzi.

Vikolwa 1:3

Kandi ya loleka kuvo mwene a veye mwoyo, ku vilolekidzu vyeligali vinyingi, inyima yobusaliri bwibwe, na a loleka kuvo inyinga yamadiku makumi gane, na a va volera amakuva gobwami bwa Nyasaye.

1 Vakorintho 15:5

kandi kuli ya loleka ku Kefa; kandi Ja loleka ku ava li likumi na vaviri;

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.