Marko 15:34 - KITABU KITAKATIFU

³⁴ Ku isaa i kola tsitanu na tsine Yesu ya hanzuka nomwoyo munene, Eloi, Eloi, lama sabakatani? Iigirunkanywa lyago li veye kuvola, Nyasaye wange, Nyasaye wange, kigira ki u ndeki?

Marko 15:34 ပူးပေါင်းရင်းမြစ်များ

Zaburi 22:1

Nyasaye wange, Nyasaye wange, kigira ki u ndeki? Kigira ki u reve ihale ku likonya inze, noku makuva gelikenya lyange?

Zaburi 27:9

U tivisa ku inze mumoni mu mwo; U tesegana mutumekiri wowo nobutima: Ive wa li ubuhonnyi bwange; U ta sula inze, kinga kundeka, O Nyasaye wobuhonnyi bwange.

Zaburi 42:9

Nda volera Nyasaye lwanda lwange, Kigira ki u nziviriye? Kigira ki ntsitsanga nobuverereri ku lidambidza lyomusigu wa nge?

Zaburi 71:11

Ni va vola, Nyasaye u mu leki vutswa: Mu mu londe na mu mgumire; kigira si ha veye nowokumu honnya.

Isaya 41:17

Avadaka navadambi venyanga madzi, na fii ga veye ho, na tsinimi tsyavo tsyumanga kigira buluhu; Inze, Yahova, nda va tivulira, inze Nyasaye wa Israeli, si nda va leka mba.

Lisyoma lya Jeremia 1:12

Si ki veye kindu kya mwinye, mwinye vosi ava vitanga? Henze, mu lole, ni ha va ni ha veye nelivererera lindi kuli livererera lya mbeye nalyo, lya nkolerwa Lya Yahova u vereridzeye inze ku lidiku lyobutima bwibwe bululu.

Lisyoma lya Jeremia 5:20

Kigira ki u kwiviriranga madiku gosi; Nokukuleka inyinga yiyi intambi?

Danyeli 9:21

yee, inyinga nda li ni mbola mu lisaala, mundu Gabirieli wa nda lola mu malola matsyambiri, a bulukidzwe bwangu, ya ndira himbi inyinga yokuvuyidza ubwali bwa mgolova.

Matayo 27:45

Ma kutwula ku isaa yetsitanu nendala kya li kisundi mu kivala kyosi kuduka isaa yetsitanu na tsine.

Matayo 27:46

Lwa yenya kuduka isaa yetsitanu na tsine, Yesu ya hanzuka nomwoyo munene, na a vola, Eli Eli, lama sabakithani? Ii veye kuvola, Nyasaye wange, Nyasaye wange, kigira ki u ndeki?

Marko 15:25

Ya li isaa i kola tsivaka, ni va mu bamba.

Marko 15:35

Avalala kuvo ava singira himbi, lwa va ga hulira, va vola, Henza, a langa Elija.

Luka 23:44

Inyinga yeyo ya li kuli isaa yenya kuduka tsitanu na indala, kandi kisundi kya duka mu kivala kyosi kuduka isaa i kola tsitanu na tsine,

Luka 23:46

Kandi Yesu ya hanzuka nomwoyo munene, na a vola, Dada, mbika mwoyo gwange mu makono gogo. Lwa ya mala kuvola yaga ya lakula mwoyo gwigwe.

Vikolwa 10:3

Ya lola mu maloto habulavu, kuli isaa i kola tsitanu na tsine tsyombasu, ingelosi wa Nyasaye yadza kuye na a mu volera, Kornilyo.

Vahebraina 5:7

Uyu mu madiku gege gomubiri lwa ya twulidzira uyu u nyalanga kumuhonnya mu likudza, lisaala nelihomba halala nelilira lyetsingulu namaliga, ya hulirwa kigira ubutii bwibwe bwa ya tia Nyasaye,