Marko 14:72 - KITABU KITAKATIFU

⁷² Nonoho idaywa ya lagula kaviri. Kandi Petro yidzulitsa likuva lya Yesu ya mu volera, Idaywa ni i kikiri kulagula hali kaviri, ive u la nyambakana hali kavaka. Lwa ya ganagana amakuva yago, ya lira.

Marko 14:72 ပူးပေါင်းရင်းမြစ်များ

2 Samweli 24:10

Nomwoyo gwa Daudi gwa mu duya inyima wokuvalidza avandu. Daudi ya volera Yahova Inze nkoli ubwoni ligali kigira nkoli inkuva yiyi: navutswa kalunu O Yahova, nku goonya ligali, u twulidze budamano yibu ku mutumekiri wowo; kigira ligali nda kola gobusiru.

Ezekieli 16:63

u duke kwidzulitsa, nokutimuka enkolo, u vule kukunula munwa gugwo kandi, kigira tsisoni tsya u veye natsyo, lwa nku sameha yaga gosi aga wa kola, Mwami Nyasaye a vola.

Ezekieli 36:31

Hene yaho mu lidzulitsa tsinzira tsyenyu tsindamano, nevikolwa vyenyu vi ta li vilahi; na mu ledunyira avene mu tsimoni tsyenyu kigira budamano bwenyu kandi kigira kivihiri kyenyu.

Ezekieli 7:16

Navutswa ku yavo ava li hona va la hona, na va la va mu vigulu kuli makuulu go mmavona, vosi va la va ni va liranga, sa mulala ku budamano bwibwe.

Matayo 26:34

Yesu ya mu volera, Ligali nku volera, ubudiku yibu, idaywa ni i kikiri kulagula, u la nyambakana hali kavaka.

Marko 14:30

Yesu ya mu volera, Ligali nku volera, Lero ndi, mu budiku yibu, idaywa ni i kikiri kulagula hali kaviri, ive u la nyambakana hali kavaka.

Marko 14:68

Navutswa yambakana, na a vola, Si mmanya kandi si mbuli ranga ga u vola. Ma ya twula na a tsia ku lusimbu; nedaywa ya lagula.

Marko 14:71

Navutswa ya tanga kusasama nokunyega, Si mmanya mundu uyu wa mu tala.

Luka 22:60

Navutswa Petro ya vola, Mundu ive, Si mmanya ga u vola. Nonoho na a ki vola, idaywa ya lagula.

Luka 22:62

Ya twula na a lira nobuvereri bunene.

2 Vakorintho 7:10

Kigira liverera lyokuyeka ku Nyasaye li kola lyeganira kuduka ku lihonnywa, kigira li veye lyeganira li ta veye neliverera: navutswa liverera lyomukivala li leta likudza.