Marko 14:18 - KITABU KITAKATIFU

¹⁸ Lwa vikala ni va litsa, Yesu ya vola, Ligali, mmu volera, Mulala ku mwinye a la nzama, niye u litsanga ninze halala.

Marko 14:18 ပူးပေါင်းရင်းမြစ်များ

Zaburi 41:9

Yee, gamanyane wange, wa nda suuvira Uyu wa lagira ku bukima bwange, Ya ginga liki lilye ku inze.

Matayo 26:21

lwa va li ni va litsa ya vola, Ligali mmu volera, mulala ku mwinye a la nzama.

Matayo 5:18

Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:2

Lwa u twulidza tsisadaka, u ta kupa kisiliva imbiri wowo, kuli avagadi va kola mmasomero na ku tsinzira, avandu va vidzominye. Ligali mmu volera, Va mali kunyola madanyi gavo.

Matayo 6:5

Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Marko 10:15

Ligali inze mmu volera, Ku vosi u ta bugirira ubwami bwa Nyasaye kuli mwana, si a lingira mu, kali hakuzu.

Marko 10:29

Yesu ya vola, Ligali mmu volera, si ha li nomundu wa leka inyumba, kinga vamwavo, kinga vabotso kinga mama, kinga ise, kinga avana kinga milimi, kigira inze, kandi kigira ivangeli,

Marko 14:17

Lwa gwa duka mgolova, yadza halala na va li likumi na vaviri.

Marko 14:19

Ku, va tanga ku henda mwoyo nokumuvolera, Ni inze?

Marko 14:25

Ligali mmu volera, Si nda nyala kandi kunwa ku makuyu gemizabibu, nduhe nduke lidiku lyokunwa amahya mu bwami bwa Nyasaye.

Marko 14:9

Ligali, mmu volera, Mu vivala vyosi ha ivangeli yiyi i lilwadzwa, ga la kilwadzirwa kandi aga mukali uyu a koli ga ve kyokumwidzulitsa.

Marko 3:28

Ligali mmu volera, Avana va vandu va la samefwa ubwoni bwosi namanyego gavo ga va li nyega:

Marko 6:11

Kandi hosi ha va ta mwingiridza nokuvula kumuhulira, lwa mu twula ho, mu vungulule lugukyi lu veye mu tsi nduvatiru, lu ve lilolekidza kuvo.

Marko 8:12

Na a twula imiyika ligali mu roho gwigwe, na a vola, Kigira ki likula yili lyenya kulola kyokulolekidzira? Ligali mmu volera, likula yili si li li hebwa kyokulolekidzira mba.

Marko 9:1

Vatakatifu. Kandi ya va volera, Ligali, mmu volera, avalala ku va singiye hano si va la tsatsama ku likudza, ni va ta lola ubwami bwa Nyasaye buudza netsingulu.

Marko 9:41

Ku vosi u mu letera kisandn kyamadzi kunwa kigira mu veye avandu va Kristo, ligali inze mmu volera, madanyi gege si ga li nyala kugota mba.

Luka 11:51

kutwula ku masahi ga Habili kuduka ku masahi ga Zekaria, wa kudzera hagati hobwali nahatakatifu. Ligali mmu volera, ga la tevwa ku likula yili.

Luka 22:21

Navutswa henza, mukono gwoyu u nzama gu veye ninze halala ku imeza.

Luka 4:24

Na a vola, Ligali mmu volera, Si ha li nomuprofeti wa bugirirwa mu kivala kikye.

Yohana 1:51

Kandi ya mu volera, Ligali, ligali, mmu volera, Mu la lola ligulu ligulika, netsingelosi va Nyasaye va nina ni vika ku Mwana wa Adamu.

Yohana 13:18

Si ntali mwinye mwosi: inze mmanya ava nda tovola; navutswa ga duke kukolwa mang'oda, Uyu wa lagira ubukima bwange u gingi liki ku inze.

Yohana 13:21

Lwa Yesu ya mala kuvola yaga ya benda mwoyo, na a lolekidza na a vola, Ligali, ligali, mmu volera, Mulala ku mwinye a la nzama.

Yohana 13:22

Avegidzwi va henzana ni va hayahayidza, wa ya li kutala ibwaha.

Yohana 13:38

Yesu ya tivula, Hene u la haana liva mwoyo lilyo kigira inze? Ligali, ligali, nku volera, Idaywa ni i ta lagula, ive u la nyambakana hali kavaka.

Yohana 21:18

Ligali, ligali, nku volera, Lwa wa li muyai, weboha nu u tsia wa u yanza: navutswa lwa u li duka musakulu, u la nyira makono, nowundi a la ku boha, a ku hile wa u ta yanza.

Yohana 3:11

Ligali, ligali, nku volera, Ku vola ga ku manya, kandi ku lolekidza vya ku loli, navutswa lilolekidza lyetu si mu bugirira mba.

Yohana 3:3

Yesu ya tivula na a mu volera, Ligali, ligali, nku volera Mundu na a tivulwa livulwa lyomigulu, si a nyala kulola ubwami bwa Nyasaye.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 6:26

Yesu ya va tivulira na a vola, Ligali ligali, mmu volera, Si mu nyenyi kigira mwa lola vilolekidzu, navutswa kigira mwa lagira milango, ni mwiguta.

Yohana 6:32

Kigira yaga Yesu ya va volera, Ligali, ligali, mmu volera, Si ya li Musa wa mu ha ubukima bwomigulu; navutswa Dada wange a mu hedzanga ubukima bweligali bwo migulu.

Yohana 6:47

Ligali, ligali, mmu volera, Uyu u suuvira a veye nelivamwoyo li ta hera mba.

Yohana 6:70

Yesu ya va tivulira, Si nda tovola mwinye likumi na vaviri, na mulala ku mwinye ni setani?