Marko 13:9 - KITABU KITAKATIFU

⁹ Mu gelihe avene, kigira va la mu zama mu hilwe mu kyina; va la mu duya mu masomero; mu la singira imbiri wa vanyampara na vami kigira inze, mu ve kilolekidzu kuvo.

Marko 13:9 ပူးပေါင်းရင်းမြစ်များ

Matayo 5:22

navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena.

Marko 1:44

na a mu volera, Henza bulahi u ta volera mundu kindu mba; navutswa u tsie kwimannya ku musalisi, u haanere kigira ubuhonnyi bubwo vindu vya Musa ya laga, vi ve kilolekidzu kuvo.

Marko 13:5

Yesu ya tanga kuvavolera, Mu gelihe, mundu a ta mu gotidza mba.

Marko 13:8

Ihiri nehiri va la vukerana, nobwami nobwami bu la vukerana, kandi mu vivala vinyingi lirova li la degera; tsitodzo tsi la va mu lirova: vindu yivi vi veye litanga lyokukupa kivi.

Marko 6:11

Kandi hosi ha va ta mwingiridza nokuvula kumuhulira, lwa mu twula ho, mu vungulule lugukyi lu veye mu tsi nduvatiru, lu ve lilolekidza kuvo.

Luka 9:5

Vosi ava ta mwingiridza, lwa mu twula mu lidala yilyo, mweye ulugukyi ku virenge vyenyu, lu ve kilolekidzu kuvo.

Yohana 15:20

Mwidzulitse likuva lya nda mu volera, Mutugwa si a veye munene kuvita wa mutuga. Ni va da mbidza inze, va la dambidza mwinye; ni va gumira likuva lyange, va la gumira lyenyu.

Yohana 16:2

Va la mu kunga mu mavugana: kandi isaa yidza ya vosi ava mwiita va levolera va kolera Nyasaye ubutumwa.

Vikolwa 21:11

Yadza ku kwinye na a vugula musipi gwa Paulo ni yeboha virenge vivye namakono, na a vola, Ni ndiyo Roho Mutakatifu a vola, Ni ndiyo Avayuda ve Yerusalemi va la ka bohe mundu mwene musipi vigu, ni va mu vika mu makono ge rsihiri.

Vikolwa 7:54

Lwa va hulira vindu yivi, va vihirirwa mu myoyo gyavo, ni va lumannya amino gavo kuye.

Vikolwa 9:16

kigira nda mu mannya vindu vinyingi kumusaliridza, vi la mu gwira kigira lieta lyange.

Vafilipi 1:29

Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

2 Vatesalonike 1:5

Yiki ni kilolekidzu kyobulungi bwelikalaga lya Nyasaye; mwinye mu duke kuvali dzwa kuva avadukani ku bwami bwa Nyasaye, bwa mu nyolera ku kivi:

2 Yohana 1:8

Mwehenze mwinye avene, mu vule kugotidza vindu yivyo vya kwa kola, navutswa mu duke kunyola madanyi madukiru.

Likunula 1:9

Inze Yohana, amwavo wenyu nomusangi halala nemwinye, mu busaliri, nomu bwami, nomu bwikudziri mu Kristo, nda li mu kisulu ki langwa Patimo kigira likuva lya Nyasaye nelilolekidza lya Yesu.

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.

Likunula 2:13

Mmanya ha u menya, ha veye ha intebe yobwami ya Setani i veye; na ive u gumira ligali lieta lyange, nokuvula kwambakana lisuuvira lyange, kali mu madiku ga Antipa mulolekidzi wange, musuuvirifu wange, wiitirwa hagati henyu ha Setani a menya.