Marko 13:14 - KITABU KITAKATIFU

¹⁴ Lwa mu li lola mudamano munonono wokwonogonnya na a singiye ha bu ta li bulahi a singire (a huiire wa soma), ava veye Ebuyuda inyinga yeyo viruke va tsie mu vigulu:

Marko 13:14 ပူးပေါင်းရင်းမြစ်များ

Lisyoma lya Jeremia 1:10

Mudambidzi u nyiye mukono gwigwe ku vindu vivye vyosi vyokuyanzidza: Kigira u loli ava ta suuvira vingiranga ha butakatifu bwibwe, Ava wa laga kuvo va ta bugirirwa kali kwingira mu livugana lilyo.

Ezekieli 44:9

Mwami Nyasaye a vola ndi, Ha ta va nomugeni, u veye musindi womwoyo, nowomubiri, u lingira hatakatifu hange kali mulala, ku avageni vosi ava veye hagati ha avana va Israeli.

Danyeli 11:31

Kandi vyuma vyobulwani vi la singira hu luvega lwilwe, nava va la vika ubudamano mu hatakatifu, kali mu lugaga, kandi va la twulidza kihaanwa kyokusambua kya kazozo, nokusingeridza livihiriridza li kolanga hatswa.

Danyeli 12:11

Kandi kutwula inyinga zana yesadaka yokusambwa kazozo i la twulidzwa, ne livihiridza lyokwononya li singeridzwa, ha la va namadiku elfu na tsimia tsiviri namakumi gatano na gane.

Danyeli 8:13

Ma nda hulira mutakatifu a volanga; na mutakatifu wundi ya volers uyu wa vola, Malola ga makuva gkihaanwa kyokusambu a kazozo, na ga mahyolo ga kola hatswa, nokuvika hatakatifu na lihe vi duvagwe, ga la duka inyinga ki?

Danyeli 9:27

Na a la kola lilagana lidinyu na vanyingi ku inyinga yelisidza lilala: na ku inyinga yenusu yelisidza a la heridza isadaka na kihaanwa; na uyu u kolanga hatswa a ladza ku tsimbaha tsye livihiriridza; kuduka ku kiheri ligali, na yikyo kya saavirwa, ubutima bu la tsukwa ku yava va hatswa.

Matayo 13:51

Mu huliye vindu yivi vyosi? Va mu volera Yee, Mwami.

1 Vakorintho 14:20

Avamitu, mu ta va avana mu bugeeri bwenyu: navutswa mu imbodoka mu ve kuli avana, navutswa mu ve avakulundu mu bugeeri.

Likunula 1:3

A veye nobugasu u somanga, kandi yava ava huliranga amakuva gobuprofeti yibu, nokulinda vindu vi ng'odeywi mu: kigira inyinga i veye himbi.

Likunula 13:18

Mbubwo ubugeeri. U veye nobugeeri a validze hesabu yenyama yiyi; kigira i veye hesabu yomundu: kandi hesabu yeye i veye Tsimia tsitano na indala na makumi gatano na lilala netsisuvi tsitano na indala. (666).