Marko 13:13 - KITABU KITAKATIFU

¹³ Na vandu vosi va la mu dunyira kigira lieta lyange: navutswa u li dinya ku kuduka ku kiheri a la honnywa.

Marko 13:13 ပူးပေါင်းရင်းမြစ်များ

Danyeli 12:12

A veye nobugasu uyu u lindanga, nokuduka ku lidiku lya elfu na tsimia tsivaka namakumi gavaka, netsisuvi tsitano.

Matayo 10:22

Avandu vosi va la mu dunyira kigira lieta lyange. Navutswa u dinya kuduka ku kiheri, uyu a la ka honnywe.

Matayo 24:13

Navutswa uyu wikudzihidza kuduka ku kiheri, a la honnywa.

Matayo 24:9

Inyinga yeneyo va la mu zama mu kivi, nokumwita: kandi tsihiri tsyosi tsi la mu dun ira kigira lieta lyange.

Marko 13:12

Mundu a la zama amwavo wewe a kudze, kandi ise a la zama mwana wewe; kandi avana va la vuha avivuli va viite.

Luka 21:17

Kandi avandu vosi va la mu dunyira kigira lieta lyange.

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Yohana 15:21

Navutswa yaga gosi va la mu kolera kigira lieta lyange, kigira si va manya wa ntuma.

Yohana 17:14

Mmali kuvaha likuva lilyo; kandi avomki vala va va dunyira, kigira si va veye ku vomkivala, kuli inze si mbeye ku vomkivala.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

Vagalatia 6:9

Kwinye ku ta kudza mwoyo ku likola bulahi: kigira ku la gesa ku tsinyinga tsyalyo, ni ku vula kukudza mwoyo.

Vahebraina 10:39

Navutswa kwinye si ku veye mu yavo avirana inyima kuduka mu budivi; navutswa ku veye mu yavo ava veye nelisuuvira kuduka mu buhonnyi bwomwoyo.

Vahebraina 3:14

Kigira ku gwiye avasangi ku Kristo, ni ku va ni ku gumira ligali li tanga lyobuluviriri bwetu kuduka ku kiheri.

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

1 Yohana 3:13

Mu ta genya, avamitu, avomkivala ni va mu dunyira.

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.

Likunula 3:10

Kigira wa linda likuva lyobwikudziri bwange inze kandi nda ku linda u twule ku isaa yokugeridzwa, isaa i li duka ku lirova lyosi, kugeridza ava menyanga ku lirova.