Marko 13:11 - KITABU KITAKATIFU

¹¹ Lwa va mu hila mu kyina nokumuzama, mu ta henda myoyo imbiri ku livola lyenyu: navutswa amakuva ga mu li hebwa inyinga yiyi mu vole; kigira si mu li mwinye mu vola, navutswa ni Roho Mtakatifu.

Marko 13:11 ပူးပေါင်းရင်းမြစ်များ

2 Samweli 23:2

Roho wa Yahova ya vola mu inze, Na likuva lilye lya li mu lulimi lwange.

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Matayo 10:17

Navutswa mu gelihe ku vandu: kigira va la mu hila mu viina, na mu masomero gavo va la mu kuya;

Marko 13:12

Mundu a la zama amwavo wewe a kudze, kandi ise a la zama mwana wewe; kandi avana va la vuha avivuli va viite.

Marko 13:9

Mu gelihe avene, kigira va la mu zama mu hilwe mu kyina; va la mu duya mu masomero; mu la singira imbiri wa vanyampara na vami kigira inze, mu ve kilolekidzu kuvo.

Luka 21:12

Navutswa imbiri wevindu yivi va la mu gumira, kandi va la mu kupidza kivi, va mu zama ku avamasomero kandi mu tsinyumba tsyavahambe, kandi mu la hilwa imbiri wavami navanya mpara kigira lieta lyange.

Yohana 3:27

Yohana ya tivula na a vola, Mundu si a nyala kuvugula kindu na a ta hebwa ki twula migulu.

Vikolwa 2:4

Kandi vizula vosi Roho Mutakatifu ni va tanga kuvola netsinimi lugano lugano, kuli Roho ya va ha livola.

Vikolwa 3:13

Nyasaye wa Abrahamu, nowa Isaka, nowa Yakobo, Nyasaye wavaguga vetu, u kuminyi Mutumekiri wewe Yesu; wa mwa zama nowa mwambakana imbiri wa Pilatu, lwa ya saavira kumuboholola.

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.

Vikolwa 6:10

Navutswa si va nyala kuguuta ubugeeri na Roho wa a vola naye.

Vikolwa 6:15

Navo vosi vikala mu kyina va mwumika, ni va mu lola mmoni mwimwe mu fwanana mmoni mwengelosi.

Vikolwa 7:55

Navutswa naye ya manya ni yizula Roho Mutakatifu, ni yumika na a henza migulu, na a lola ubukumi bwa Nyasaye, na Yesu u singiye ha mukono mulungi gwa Nyasaye,

1 Vakorintho 2:13

Vindu vya kwinye ku volanga, si vi veye mu makuva gobugeeri bwavandu bwegidza, navutswa aga Roho yegidza; ku tsukannya vindu vya Roho namakuva ga Roho.

Vafeso 3:5

aga vandu vamakula agandi ga vula kumannywa ku vana vavandu, kuli ga vuuleywi kalunu ku vatumwa vatakatifu noku vaprofeti mu Roho;

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.

1 Petro 1:12

Aga lang'aminywa kuvo, si ga li kuvo avene, navutswa ku mwinye va tumekiranga mu vindu yivi vilwadzeywi kalunu na yavo ku mwinye, avilwadza ivangeli mu Roho Mutakatifu wa tumwa kutwula migulu; amakuva getsingelosi venyanga kuteveridza.