Marko 12:6 - KITABU KITAKATIFU

⁶ Ya tigala naye mulala, naye nu mwana wewe, muyanzi wewe: lwanyima ya mu tuma kuvo na a vola va la tia mwana.

Marko 12:6 ပူးပေါင်းရင်းမြစ်များ

Litanga 22:12

Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.

Litanga 22:2

Na ya mu volera U vugule mwana wowo, mwana wowo muderwa, wa u yanza, Isaka, u tsie mu kivala kya Moria; u mu haane yaho a ve kihaanwa kyokusambwa ku kigulu kya nkumannya.

Litanga 37:3

Henza, Israeli ya yanza Yosefa kuvita avana veve vosi, kigira ya li mwana wobusakulu bwibwe: na ya mu lombera likoti litambi na lyamakono.

Litanga 44:20

Na kwinye kwa volera mwami wange, Ku veye na dada, a veye musakulu, kandi a veye nomwana wobusakulu bwibwe, mkeku; na amwavo wewe wa kudza, naye u tigaye mwana muderwa wa mama wewe; na dada wewe a mu yanza.

Zaburi 2:12

Mu buse mwana, gase a la va nobutima, na mwinye mu divira ku inzira, Kigira ubutima bwibwe bu laaka bwangu. Va veye nobugasu vosi ava suuvira kuye.

Zaburi 2:7

Nda singeridza likuva: Yahova ya mbolera, Ive u veye mwana wange; Lero inze nkwivuye.

Isaya 42:1

Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 26:63

Navutswa Yesu ya kiring'ana. Musalisi munene ya mu volera, Nkwisuhidza Nyasaye weliva mwoyo u ku volere ive niye Kristo, Mwana wa Nyasaye.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Marko 1:11

na mwoyo gwa twula mu ligulu, Ive nu Mwana wange umyanze ku ive nyanza ligali.

Marko 12:5

Kandi ya tuma wundi; na uyu va mwiita: kandi avandi vanyingi; avalala va va duya, navandi va viita.

Marko 12:7

Navutswa valimi yavo va volerana, Uyu a veye mwene miyandu; gendi, ku mwiite, na miyandu gyosi gyi la va gyetu.

Marko 9:7

Malesi gadza i ga va kinga: kandi amakuva ga twula mu malesi ni ga vola, Uyu nu Mwana wange wa nyanza: mu mu hulire.

Luka 3:22

na Roho Mutakatifu yika kuye neligondo kuli mubiri gwelikuula, kandi mwoyo gwa twula migulu, gu vola, Ive u veye Mwana wange wa nyanza; nyanzeywi ligali ku ive.

Luka 9:35

Mwoyo gwa twula mu malesi ni gu vola, Uyu nu Mwana wange, mutovole wange: mu mu hulire.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 1:34

Na inze mmali kulola, kandi mmali kulolekidza a veye Mwana wa Nyasaye.

Yohana 1:49

Natanaeli ya mu tivulira, Rabi, ive niye Mwana wa Nyasaye; ive nu Mwami wa Israeli.

Yohana 3:35

Dada a yanza Mwana, kandi u mali kumuha vyosi mu makono gege.

Yohana 5:23

vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Vahebraina 1:6

Kandi lwa ya leta mu lirova wivulwa wokutanga ya vola, Tsingelosi va Nyasaye va msigamire.

1 Yohana 4:9

Ku yaga ubuyanzi bwa Nyasaye bwa loleka ku kwinye, kigira Nyasaye ya tuma Mwana wewe muderwa mu lirova, kwinye ku duke kuva mwoyo muye.

3 Yohana 1:1

Mukulundu, ibaruwa yeye yiyi i dukire Gayo muyanze wa nyanza mu ageligali.