Marko 10:38 - KITABU KITAKATIFU

³⁸ Navutswa Yesu ya va volera, Si mu nmanya kya mu tevanga. Mu nyala kunwa kisanda kya nwedza? Kinga mu nyala kubatidzwa nelibatidzwa lya mbatidzwa nalyo?

Marko 10:38 ပူးပေါင်းရင်းမြစ်များ

1 Avami 2:22

Mwami Solomoni ya ti vula na a volera marna wewe, Kigira ki ive wenyeranga Adonija, Abishagi Mushunam? U ka mwenyere ubwami kandi; kigira a veye amwavo wange munene yee, mwenyere na Abiatharu musalisi na Joabu mwana wa Zeruia.

Zaburi 75:8

Kigira mu mukono gwa Yahova, ki veye mu kikombe kyewaini kiviravira lifwulu; Kizuye vitsukannyeywi, naye ya vi tsuka: Ligali avadamano velirova vosi va la komheridza amaseke, nokuganwa.

Isaya 51:22

Mwami wowo Yahova, Nyasaye wowo u verera avandu veve makuva gavo, a vola, Henza, inze ntwulidzi ku mukono gugwo kikombe kyokudegeridza, na maseke gekikombe kyobutima bwange; ive si u la nwa ku yiki kandi mba:

Jeremia 25:15

Kigira Yahova, Nyasaye wa Israeli, ya mbolera yaga: a vola, Vugula kikombe kyewaini yobutima mmukono gwange, u nwehidze tsihiri yitsi tsyosi, tsya nku tuma ku, va nwe.

Jeremia 45:5

Na ive weyenyeranga mwene vindu vinene? U ta vyenya mba; kigira, henza, nda leta buda mano ku mibiri gyosi, Yahova a vola; navutswa nda ku ha livamwoyo lilyo li ve vilanye ku ive hosi ha u tsitsanga.

Matayo 26:39

Yisunda hambiri hakekeke, na a gwa mammama na a saala na a vola, Dada wange, ni ki nyalika, kikombe yiki ki mbite: navutswa ga ta va kuli ubulaliri bwange, navutswa ga ve kuli ubulaliri bubwo.

Matayo 3:6

ni va tsia ku Yohana na a va batidza mmugera gwa Yordani, vivuula ubwoni bwavo.

Marko 14:36

Kandi ya vola, Abba, Dada, ive u nyala vindu vyosi; u twulidze kikombe yiki ku inze: navutswa ga ta va kuli wa inze ndalira, navutswa ga ve kuli wa ive u lalira.

Luka 12:50

Navutswa mbeye nelibatidza lya ndi batidzwa nalyo; nigeywi ndi ku duka ku li nyole

Luka 22:42

na a vola, Dada, Ive nu u lalira, u ntwulidzire kikombe yiki: navutswa ga ta va kuli ubulaliri bwange, navutswa ga ve kuli ubulaliri bubwo.

Yohana 18:11

Yesu ya volera Petro, U vike kivavi mu Iwula: kikombe kya Dada ya mpa mbule kunwa naho?

Varumi 8:26

Kandi ndiyo Roho a ku konyanga ku budedekere bwetu: kigira si ku manya kusaala kuli ga ku dukira; navutswa uyu Roho mwene a ku saalira nelikenya li ta nyalika kukenywa.

Yakobo 4:3

Mu saalanga, si mu nyola, kigira mu saala nobudamano, mu duke kuvitumekira mu likayirwa lyenyu.