Marko 10:30 - KITABU KITAKATIFU

³⁰ navutswa a la nyola kalunu, inyinga yiyi hali mia, tsinyumba, navamwavo, na vabotso, navamama, navana, nemilimi, halala nelidambidzwa; kandi mu inyinga yidza a la nyola liva mwoyo li ta hera.

Marko 10:30 ပူးပေါင်းရင်းမြစ်များ

2 Kyetsinyinga 25:9

Na Amazia ya volera mundu wa Nyasaye, Navutswa ku la kola ndi tsitalenta mia tsya nda ha lihe lya Israeli? Mundu wa Nyasaye ya mu tivulira, Yahova a nyala kukuha kuvita yitsyo ligali.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Tsing'ano 16:16

Bu duka kuli ndi ubulahi bwokunyola ubugeeri kuvita kunyola ithahabu Yee, kunyola limanya li veye litovolwa kuvita linyola ifetha.

Malaki 3:10

Mu lete izaka yosi mu gi vike mu kidera, kyokulia ki ve mu inyumba yange, mu ngeridze mu inkuva yiyi, Yahova wa mahe a vola, inze ni mbula kumwigulira madirisha gomigulu, nokutsuka ku mwinye ubugasu, ha la vula kuva nobwiyangu kubunyola.

Matayo 12:32

Ku vosi u la vola likuva ku Mwana wa Adamu, a la samefwa; navutswa ku vosi u li nyega Roho Mtakatifu, si a li samefwa mba, mu lirova lya kalunu, kinga mu lirova lidzanga.

Matayo 13:8

Na bundi bwa gwa mmarova malahi, ni bwama, bulala bwama mia na bundi makumi gatanu neliiala, na bundi makumi gavaka.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Luka 18:30

u li vula kuhebwa kalunu hali kanyingi kuvita, kandi mu inyinga yidzanga liva mwoyo li ta hera mba.

Yohana 10:23

ga li madiku gobukindu; kandi Yesu ya vaya mu litempeli mu lusimbu lwa Solomoni.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Vikolwa 16:25

Navutswa himbi ubudiku hagati Paulo na Sila va saala ni vimba tsinyimbu tsyo kwidzominya Nyasaye, kandi avahambe va va huliridza;

Vikolwa 5:41

Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

Varumi 5:3

Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira;

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

2 Vatesalonike 2:16

Kalunu Mwami wetu Yesu Kristo mwene, na Nyasaye Dada wetu wa ku yanza na a ku ha kilema mwoyo kyemihiga nemihiga nelisuuvira lilahi mu tsimbabasi,

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

1 Timoteo 6:6

Navutswa litibwa lya Nyasaye halala nelibugirira liva lya u veye li veye vyambeti vinyingi.

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

1 Yohana 2:25

Lisuuvira lya ya ku suuviridza ni yili, liva mwoyo li ta hera mba.

1 Yohana 3:1

Henza ubuyanzi lugano ki bwa Dada ya kuha, ku langwe avana va Nyasaye; kandi ku veye ndiyo. Kigira yaga avomkivala si va ku manya, kigira si va mu manya.

Likunula 2:9

Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.

Likunula 3:18

nku volera u gule ku inze ithahabu i siyeywi nomuliru, u duke kugwa mutugi; netsingubo tsindavu, u duke kwivika tsisoni tsyekyahonyo kyikyo tsi vule kulang'aminywa; kandi u gule ku inze, lunyasi lwokuvaka tsimoni tsitsyo, u duke kulola.