Marko 10:17 - KITABU KITAKATIFU

¹⁷ Lwa ya twula na a tsia ku inzira, mulala ya nyagula na a tsia ha ya li, na a mu sigamira, na a mu teva, Mwegidzi mulahi, nkola ndi nduke kunyola liva mwoyo li ta hera mba?

Marko 10:17 ပူးပေါင်းရင်းမြစ်များ

Danyeli 6:10

Na lwa Danyeli ya manya mang'oda ga vikeywi lieta, ya tsia mu inyumba yeye (nu u manyi madirisha gege ga li malamu mu inyumba yeye kuhenza ku luvega lwa Yerusalemi); naye y a sigama hali kavaka ku lidiku, na a saala, na a santidza imbiri wa Nyasaye wewe, kuli wa ya kolanga ku matsyambiri.

Matayo 17:14

Lwa va duka ku kiduma, mundu yadza kuye na a mu sigamira na a vola,

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Matayo 28:8

Ni va twula mu kilindwa nobutii nobuyanzi bunene, ni va nyagula kuvolera avegidzwi veve.

Marko 1:40

Yadza kuye mugere na a mu saala, na a mu sigamira na a mu volera, Nu u va nu u wenya u nyala kumbonnya.

Marko 10:18

Yesu ya mu volera, U ngulikira ki mulahi? Si ha li nava lahi, navutswa mulala weng'ine, Nyasaye.

Marko 12:14

Lwa va duka kuye va mu volera, Mwegidzi, ku manya ive u veye weligali, kandi si u tidza mundu; kigira si u henza ligondo lyavandu, navutswa ligali wegidza inzira ya Nyasaye. Nu bulahi kutunga ubushutu ku Kaisari, naho si bu li bulahi?

Marko 9:25

Yesu lwa ya lola avandu va nyagula ni va vunga, ya gaya mwoyo mudamano na a gu volera, Mwoyo gu ta vola no gwa hana amatu, nku ha munwa, twula kuye u tingira kandi.

Luka 10:25

Kandi henza mwegidzi weliIaga mulala ya singira na a mu geridza, na a vola, Mwegidzi, nda kola ki kunyola liva mwoyo li ta hera mba?

Yohana 3:2

Ya tsia ku Yesu ubudiku na a mu volera, Rabi, ku manya ive u veye mwegidzi wa twula ku Nyasaye; kigira si ha li nomundu u nyala kukola vilolekidzu yivi vya u kolanga, Nyasaye na a ta li halala naye.

Yohana 5:39

Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze;

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Vikolwa 16:30

na a va Ieta kyova, na a vola, Avami, ga ndukira nkole ki, nduke kuhonnywa?

Vikolwa 2:37

Lwa va hulira yaga, va tumitwa mu myoyo gyavo, ni va volera Petro navatumwa avandi, Avamitu, ku kola ndi?

Vikolwa 20:32

Kandi kalunu mmu vika ku Nyasaye kandi ku likuva lyetsimbabasi tsitsye, li nyala kumwombaka nokumuha miyandu halala na vosi ava takaswa.

Vikolwa 9:6

Navutswa vuka, wingire mu lidala, na ive u la volerwa amakuva ga ku dukira u kole.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

Vafeso 1:18

tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu,

Tito 3:7

ku duke kuvolwa kuva nobulungi kigira tsimbabasi tsitsye, ku duke kukolwa ava lia miyandu kuli lisuuviridzwa lyelivamwoyo li ta hera mba.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

1 Petro 1:4

noku miyandu gyi ta li neliyoneka, gyi ta li nobudamano, gyi ta li neligalula, gya mu lindirangwa migulu,

1 Yohana 2:25

Lisuuvira lya ya ku suuviridza ni yili, liva mwoyo li ta hera mba.