Marko 10:14 - KITABU KITAKATIFU

¹⁴ Navutswa Yesu lwa ya lola, ya vihirirwa, na a va volera, Mu leke avana vakekeke vadze ku inze; mu ta vambakannya mba: kigira ubwami bwa Nyasaye bu veye bwa va li ndi.

Marko 10:14 ပူးပေါင်းရင်းမြစ်များ

Litanga 17:7

Kandi nda singeridza lilagana lyange hagati hange na ive na visukululwi vivyo inyima wowo, mu visukululwi vyavo li ve lilagana lyemihiga nemihiga, nduke kuva Nyasaye ku ive noku visukululwi vivyo inyima wowo.

Zaburi 78:4

Si ku la ga visa ku avana vavo Ku la volera kisukululwi ki londanga lidzominywa lya Yahova, Na tsingulu tsitsye, na vyokugenya vya ya kola.

Isaya 65:23

Si va la kola miyinzi gya vutswa, kandi si va livulira kivi; kigira va veye kisukululwi kya uyu wa gasidzwa wa Yahova, na lwivulu lwavo halala navo.

Livalidza 14:31

Navutswa avana venyu, ava mwa vola va la va vilanye, nda va leta kwingira mu, navo va la manya kivala kya mwinye mwa sula.

Matayo 18:10

Mu henze mu ta lega mulala ku vakekeke yava: kigira mmu volera, mwigulu tsingelosi vavo va hongera kulola mtsimoni tsya Dada wange u veye migulu.

Matayo 18:4

Ku vosi wegehidza kuli mwana mkekeke, uyu a veye munene mu bwami bwomigulu.

Matayo 19:14

Navutswa Yesu ya vola, Mu leke avana vakekeke vadze ku inze, mu ta va gaya mba: kigira ubwami bwomigulu bu veye bwa va li ndi.

Matayo 5:10

Va veye nobugasu ava kupidzwa kivi kigira ubulungi: kigira ubwami bwomiguiu ni bwavo.

Matayo 5:3

Va veye nobugasu ava li nobudaka mmwoyo: kigira ubwami bwomigulu nu bwavo.

Marko 3:5

Lwa ya va henza na a vihirirwa, na a verera kigira budinyu bwemyoyo gyavo, ya volera mundu, Nyira mukono gugwo. Na a nyira mukono ni gu hona ni gu leng'ana nogundi.

Marko 8:33

Na a girunkana, na a lola avegidzwi veve, na a gondokera Petro, na a mu volera, Yirane inyima wange, Setani; kigira ive si u ganagana vindu vya Nyasaye, navutswa vindu vyavandu.

Yohana 3:3

Yesu ya tivula na a mu volera, Ligali, ligali, nku volera Mundu na a tivulwa livulwa lyomigulu, si a nyala kulola ubwami bwa Nyasaye.

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Vikolwa 2:39

Kigira lisuuviridza yili li veye ku mwinye, noku vana venyu, noku vosi ava veye hale, ku vosi vo Mwami Nyasaye wetu a la langa vadze kuye.

Vikolwa 3:25

Mwinye mu veye avana vavaprofeti, navuna vamalagano ga Nyasaye ya lagana navaguga venyu, na a volera Abrahamu, Ku visukululwe vivyo tsihiri tsyosi tsyelirova tsi la nyola ku ubugasu.

Varumi 11:16

Kandi ubuhya ni bu va ni bu veye butakatifu, lihumbi lyosi li veye ndiyo: kandi kitinya ni ki va ni ki veye kitakatifu, kandi tsisya tsi veye ndiyo.

Varumi 11:28

Ku ivangeli va veye avasigu kigira mwinye: navutswa ku litovola va veye avayanze kigira vaguga.

1 Vakorintho 14:20

Avamitu, mu ta va avana mu bugeeri bwenyu: navutswa mu imbodoka mu ve kuli avana, navutswa mu ve avakulundu mu bugeeri.

1 Vakorintho 7:14

Kigira musatsa u ta suuvira a takasangwa kigira mukali wewe, kandi mukali u ta suuvira a takasangwa kigira musatsa. Ni ga ta li ndiyo, nkano avana venyu navadamano; navutswa kalunu va veye avalungi.

Vafeso 4:26

Mu vihirirwe, kandi mu ta kola ubwoni; mu ta leka liuva li yere ni mu veye nobutima:

Kwidzulitsa 4:37

Na kigira ya yanza vaguga vovo, kunangwa ya tovola visukululwi vyavo inyima wavo, ya ku twulidza Egepeti, halala neliva lyomwene, netsingulu tsitsye tsinene;

2 Timoteo 1:5

lwa nduka kwidzulidzwa lisuuvira lilyo lya u veye nalyo li ta li lyobugadi; lya li ho ku matsyambiri mu guuku wowo Lois nomu mama wowo Eunike; kandi nduki kulola ligali ive u veye nalyo.

2 Timoteo 3:15

kandi kutwula bwana bwoke wa manya mang'oda matakatifu, aga nyala kukugerihidza kuduka ku buhonnyi bwelisuuvira li veye mu Kristo Yesu.

Joshua 8:35

Si ha veye nelikuva kali lilala lya Musa ya laga, lya Joshua ya vula kusoma imbiri welivugana lyosi lya Israeli, avakali, na avana, na ava menya ava gendanga navo.

1 Petro 2:2

kuli avana vadoto avivuywi kalunu, mwenye ligali amaveere ageligali aga ta li nobusyemi, mu duke kuviruka kugo kuduka ku buhonnyi;

Likunula 14:5

Kandi ububehi si bwa nyoleka mu minwa gyavo; kigira si va veye nekindu kuvo.

1 Samweli 1:11

Na ya vika lilagana, na a vola, O Yahova wamahe, ive nu u va nu u henza ligali ubuvereri bwomukana mutugwa wowo a veye nabwo, nokunzidzulira, na u vule kunzivirira inze mukana mutugwa wowo, na u haane ku inze mukana mutugwa wowo umwana muyai, hene yaho inze nda mu haana ku Yahova madiku gosi gelimenya lilye, nolugembe lu la vula kuduka ku mutwe gwigwe ligali.

1 Samweli 1:22

Navutswa Hana ya vula kwanegira; kigira ya volera musatsa wewe, Inze si ndanegira mba kuduka lwa mwana uyu a luguhira, hene yaho nda mu leta, a duke kuloleka imbiri wa Yahova, nokumenya yo madiku gosi.