Marko 1:24 - KITABU KITAKATIFU

²⁴ na a vola, Ku veye ndi nive, Yesu Munazareti? U dzi kukwononnya? Nku manya u veye Mutakatifu wa Nyasaye.

Marko 1:24 ပူးပေါင်းရင်းမြစ်များ

Zaburi 16:10

Kigira si u li leka mwoyo gwange mu Kinadisi; Kandi si u li bugirira mutakatifu wowo kulola ligunduluka.

Kutwula 14:12

Yili si li veye likuva lya kwa ku volera mu Egepeti, ni ku vola, U ku leke, ku tumekire Avaegepeti? Kigira nu bulahi kutumekira Avaegepeti, kuvita likudzira mwigendinvama.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Matayo 2:23

Na a duka kumenya mu lidala lya langwa Nazareti; ga duke kukolwa aga volwa nomunwa gwavaprofeti, a la langwa Munazareti.

Matayo 8:29

Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka?

Marko 1:23

Kandi no noho ya li mu lisomero lyavo mundu wa li nomwoyo rnudamano; na a hanzuka,

Marko 1:25

Yesu ya mu gaya, na a vola, Kiring'ana, u twule kuye.

Marko 10:47

Lwa ya hulira ni Yesu wa Nazareti, ya tanga kuhanzuka nokuvola, Yesu, mwana wa Daudi, u mbere tsimba basi.

Marko 14:67

na a lola Petro ni yota muliru, ya henza, na a vola Ive kandi wa li halala na Munazareti Yesu.

Marko 16:6

Ya va volera, Mu ta genya mba: mwenya Yesu Munazareti, wa bambwa. U simuguki; si a veye hano mba: henzi ha va mu vika.

Marko 5:7

na a hanzuka, na a vola, Ku veye ndi nive, Yesu Mwana wa Nyasaye Uveye Igulu wa Vyosi? Nkwisuhidza ku Nyasaye u ta nda mbidza mba.

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 24:19

Naye ya va volera, Ni vindu ki? Navo va mu volera, Vindu vya li ku Yesu Munazareti, wa li muprofeti wetsingulu tsyokukola netsyokuvola imbiri wa Nyasaye, nembiri wavandu vosi:

Luka 4:34

Ai kwinye ku veye ndi nive Yesu Munazareti? Udzi kukwono nnya? Nku manya u veye ibwaha, Mutakatifu wa Nyasaye.

Luka 8:28

Kandi lwa ya lola Yesu, ya hanzuka, na a gwa imbiri wewe, na a vola nomwoyo munene, Mbeye na ki nive Yesu, Mwana wa Nyasaye Uveye Igulu Ligali? Nku saala u ta nkupidza kivi mba.

Luka 8:37

Avandu vosi avevivala vya himbi vya Vagadara va mu saala a twule kuvo: kigira va gumirwa nobutii bunene: naye yingira mu bwato ni yirana.

Yohana 6:69

Kandi kwinye ku suuviye, na ku manyi, ive u veye Mutakatifu wa Nyasaye.

Vikolwa 2:27

Si u li leka mwoyo gwange mu kihadisi, Kandi si u li bugirira Mutakatifu wowo a lole ligunda.

Vikolwa 24:5

Kigira kwinye ku mali kulola mundu uyu kuva mundu mudamano ligali, nu mugemehidzi mu Vayuda vosi mu vivala vyosi mu lirova, kandi nu munene ku lyahuka lya Vanazareti:

Vikolwa 3:14

Navutswa mwinye mwambakana uyu Mutakatifu no Mulungi, kandi mwinye mwenya mu hebwe mulumindi,

Vikolwa 4:27

Kigira ligali Herodi na Pontio Pilatu, halala ne Tsihiri navandu va Israeli, va vugana halala mu lidala yili kuhing'ana na Yesu Mutumekiri wowo mutakatifu, wa wa vaka maguta.

Yakobo 2:19

Ive u suuvira Nyasaye a veye mulala; u kola bulahi: amademone kandi ga suuvira, ni ga degera.

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga: