Malaki 4:2 - KITABU KITAKATIFU

² Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Malaki 4:2 ပူးပေါင်းရင်းမြစ်များ

2 Samweli 23:4

A la ra kuli ubulavu bwomugamba, lwa liuva li tonganga, Mugamba gu ta li namalesi, Lwa bunyasi budoto bu sebukanga mu kivala, Ku ling'ereng'ana lyabwo inyima yembula.

Zaburi 103:3

U samehanga ubukyamu bubwo bwosi; U honnyanga ubulwaye bubwo bwosi;

Zaburi 147:3

A honnyanga avemyoyo gya vunika, Na a boha tsing'oma tsyavo.

Zaburi 61:5

Kigira ive, O Nyasaye, u huliye lilagana lyange: U haani ku inze miyandu gya yava ava tidzanga lieta lilyo.

Zaburi 67:1

Nyasaye, u ku vere tsimbabasi, na u ku gasidze Nokwaakidza ku kwinye ubulavu bwommoni mumwo; [Selaha

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Zaburi 85:9

Ligali ubuhonyi bwibwe bu veye himbi kuvo ava mu tidzanga, Ubukumi bu duke kumenya mu kivala kyetu.

Tsing'ano 4:18

Navutswa inzira yavalungi i fwanana nobulavu bu ng'ereng'ananga, Bu ng'ereng'ananga kuvita nokuvita, kuduka ku lidiku lidukiru.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 35:6

Hene yaho umuhenyeri a la tumatuma kuli imboongo, nolulimi lyedimbidi lu limba; kigira mmigendanyama madzi ga la senuka, notugera tu la senuka mu kyangalangwi.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Isaya 53:5

Navutswa ya tumitwa kigira ubwoni bwetu, na ya kindukira budamano bwetu; nelikuywa lyemirembe gyetu lya gwa kuye, ku tsinkavaala tsitsye kwinye ku honnywa.

Isaya 9:2

Avandu va genda mu kisundi va loli ubulavu bunene: yavo va menya mkivala kvekiriri kyelikudza, ubulavu bu ng'e ring'ani kuvo.

Jeremia 17:14

U mbonnye, O Yahova, na nda hona; u mbonnye, na nda hona: kigira ive u veye lidzominywa lyange.

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Ezekieli 47:12

Na ahimbi ku mugera ku luginga lwagwo, ku luvega yilu na engereka, misala gyosi gyevyokulia gyi la mera, gyamatu gagyo ga vula kuniala, kandi amakuyu gagyo ga vula kugeha: gyi lama amakuyu mahya umweli sa mulala, kigira amadzi gagwo ga twula hatakatifu; namakuyu gagyo ga la va vyokulia, namatu gagyo ga la va agokuhonnya.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Malaki 3:16

Kunangwa avatidzanga Yahova va volerana avene na avene. Na Yahova ya tegidza gutu, na a hulira, kandi kitabu kyelidzulitsa kya ng'oderwa imbiri wewe, kya yavo avatidzanga Yahova, nokuganagana lieta lilye.

Matayo 11:5

vaboku va hebwa kulola, navaleema va genda, navagere va honnywa, navahana amatu va hulira navakudzu va simugukidzwa, navadaka vilwadzirwa ivangeli.

Matayo 23:37

O Yerusalemi, Yerusalemi, lidala liita avaprofeti, nokulasa magina avatumwa kulyo Kuduka tsinyinga hali kanga ni nyenya kuvungidza avana vovo kuli inyavuli i vungidza viminyo vyayo mu mwetsimbaha tsyayo, navutswa mwambakana

Luka 1:50

Kandi tsimbabasi tsyitsye tsi vedzanga ku makula namakula Kuvo ava mu tia

Luka 1:78

Kigira tsimbabasi tsinene tsya Nyasaye wetu, Kutsyo ubulavu bu twula igulu bu la ku dukira,

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:4

Muye lya li liva mwoyo; na liva mwoyo lya li ubulavu bwavandu.

Yohana 1:8

Si ya li ubulavu yibwo, navutswa yadza a lolekidze ubulavu.

Yohana 12:40

Ya va fuma tsimoni tsyavo, kandi ya dinnya mwoyo gwavo; Gase va la lola netsimoni tsyavo, ni va manya nomwoyo gwavo, Ni veganira, Na inze mba honnye.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Yohana 9:4

Ga ku dukira kukola miyinzi gya uyu wa ntuma, gu kiri mbasu: ubudiku buudza, inyinga yomundu a ta nyala ku kola miyinzi.

Vikolwa 13:26

Mwinye avamitu, avana velikula lya Abrahamu, navo ku mwinye ava tia Nyasaye, likuva lyobuhonnyi yibu li letwa ku kwinye.

Vikolwa 13:47

Kigira Mwami ya ku laga ndiyo, na a vola, Mmali kukuvika u ve ubulavu bwe Tsihiri, U ve nobuhonnyi kuduka ku kiheri kyelirova.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

2 Vatesalonike 1:3

Ga ku dukira kusantidza Nyasaye madiku gosi kigira mwinye, avamitu, kuli wa ga dukanga, kigira lisuuvira lyenyu li medekanga ligali, kandi ubuyanzi bwomundu sa mulala ku mwinye mwosi bwa a veye nabwo ku wakye, bu kiranga;

2 Petro 1:19

Kandi ku veye nelikuva lyobuprofeti li koleywi kuva netsingulu kukira, lya mu koli bulahi ni mu li huliridza, kuli itaya yaakanga ha kisundi, kuduka bu luha bu kya, kandi ing'ereng'ani ya mugamba i loleka mu myoyo gyenyu;

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.

1 Yohana 2:8

Kandi lilaga lihya mmu ng'odera, lya li lyeligali muye nomu mwinye; kigira kisundi ki vita nobulavu bweligali bu mali kwaaka.

Likunula 11:18

Kandi tsihiri tsya li nobutima, kandi ubutima bubwo bwa duka, kandi inyinga yavakudzu va kalagirwa, kandi inyinga yavatugwa vovo avaprofeti va hebwa amadanyi gavo, navatakatifu, navatidzanga lieta lilvo, avakekeke navanene; nokudividza avadividza lirova.

Likunula 2:28

kandi nda mu ha ing'ereng'ani ya mugamba.

Likunula 22:16

Inze Yesu ntumi ingelosi wange a lolekidzire mwinye vindu yivi mu mavugano. Inze mbeye kitinya nekisukululwi kya Daudi, ing'ereng'ani yobung'ereng'anu yomugamba

Likunula 22:2

hagati henzira yalyo. Kandi ku luvega yili lwomugera zana noku luvega yilwo gwa li ho musala gwelivamwoyo, gwamanga makuyu ting'ano likumi na tsiviri, gwamanga makuyu gagwo ku mweli nomweli: kandi amatu gomusala zana ga veye gokuhonnya tsihiri.

Ruth 2:12

Ku miyinzi gyigyo Yahova a ku he madanyi madukanu, Nyasaye wa Israeli wa wadzira mu tsimbaha tsitsye u duke kunyola lisuuvira.