Malaki 3:8 - KITABU KITAKATIFU

⁸ Mundu a liba vya Nyasaye? Navutswa mwinye mwibanga vindu vyange. Navutswa mu vola, Kwibanga ndi vindu vivyo? Ga veye ku zaka na tsisadaka.

Malaki 3:8 ပူးပေါင်းရင်းမြစ်များ

Zaburi 29:2

Mu vole ku Yahova, ubukumi bwelieta lilye li dukana nabwo; Mu sigamire Yahova mu bulahi bwobutakatifu.

Tsing'ano 11:24

Ha veye nowelisalannya, navutswa vivye vi medeka; Kandi ha veye na u kolanga ubwimani, navutswa bu leta ubudaka.

Isaya 43:23

U vuli kundetera magondi kuva vihaanwa vyokusambwa; kandi u vuli kunzidzominya nevihaanwa vivyo. Inze si nku niga kuntumekira nevihaanwa vivyo, kandi si nku luhidza nevimuli.

Kyavalevi 19:25

Noku muhiga gwa Ryitano mu la lia makuyu gagyo, gyi duke kwamira mwinye makuyu gagyo: inze mbeye Yahova Nyasaye wenyu.

Zekaria 5:3

Ma ya mbolera, Yili ni lilaama li twulanga kutsia mu mmoni mwekivala kyosi: kigira ku vosi wivanga a la twulidzwa ku luvega lulala kuli kyokulingwa yiki; noku vosi mundu wesuhanga a la twulidzwa ku luvega lundi kuli kyokulingwa yiki.

Malaki 1:13

Kandi mu vola yaga, Henza, inkuva yiyi i ku luhidzanga ku duka ndi na mwinye mu vi hudzudzanga nemiyeka gyomolo, Yahova wa mahe a vola; na mu leti kya vugulwa nekirage, kandi kilema, na kilwaye; ni ndiyo mu letanga vyokuhaanwa: ga ndukira ku bugirira kindu yiki mmakono genyu? Yahova a vola.

Malaki 1:8

Na lwa mu haananga kiboku kuva kihaanwa, si bu veye budamano? Kandi lwa mu haananga vilema nevilwaye, si bu veye budamano? Haana ku yivi ku Govuna wenyu kalunu; vi la yanzeka kuye? Kinga a la bugirira ive? Yahova wa mahe a vola.

Matayo 22:21

Ni va mu volera, Ni vya Kaisari. Hene yaho ya va volera, Mu he Kaisari vindu vya Kaisari, na Nyasaye vindu vya Nyasaye.

Marko 12:17

Yesu ya va volera, Mu he Kaisari vindu vya Kaisari kandi mu he Nyasaye vindu vya Nyasaye. Ku, va mu genyera munonono.

Luka 20:25

Kandi ya vola, Mu he Kaisari vindu vya Kaisari, kandi mu he Nyasaye vindu vya Nyasaye.

Varumi 13:7

Mu he vosi kya va dukana nakyo; kodi ku yava ava dukani nekodi; ubushutu ku yava ava dukani nobushutu; ubutii ku yava ava dukani nelitibwa; lidzominya ku yava ava dukani nelidzominywa.

Varumi 2:22

Kandi, ive u volanga mundu a ta heya, ive mwene u heyanga? Ive u dunyiranga misambwa, wibanga mu matempeli?

Joshua 7:11

Israeli va koli ubwoni; yee, vononyi lilagana lyange lya nda va laga: yee, vevuguleye ku kya gimwa, va mali kwiba, kandi va voye bubehi; na va ki viki mu viju vyavo.