Malaki 3:7 - KITABU KITAKATIFU

⁷ Kutwula mmadiku ga vaguga venyu mu mali kugirunkana mu tsie haluvegan okuleka amalago gange, si mwa ga linda mba. Mwirane ku inze, na inze ndirana ku mwinye, Yahova wa mahe a vola. Navutswa mu vola, Kwirane ku ive ku makuva galiha?

Malaki 3:7 ပူးပေါင်းရင်းမြစ်များ

Nehemia 9:26

Navutswa va sula kuhulira ni vebaala ku ive, nokuvika lilaga lilyo himugongo havo, na viita vaprofeti vovo ava lolekidza kuvo kuvirannya ku ive, na va kola kivihiri kinene.

Isaya 65:2

Nda nyira mukono gwange mbasu bei ku ve baali, ava gendanga ku inzira i ta li indahi, kulonda tsiganagani tsyavo avene;

Jeremia 16:11

Hene yaho u la va volera, Yahova a vola, Kigira avaguga venyu va ndeki, nokulonda avanyasaye vandi, nokuvatumekira, nokuvasigamira, nokuleka inze, va vule kugumira lilaga lyange;

Jeremia 16:12

Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 7:25

Kutwula ku lidiku lyavaguga venyu va twula mu kivala kya Egepeti kuduka lidiku lya lero, ndetanga ku mwinye avatumwa vange vosi avaprofeti, ni mbu ka mabwebwe nokuvatuma:

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Ezekieli 2:3

Na ya mbolera, Ive mwana womundu, inze nku tumanga u tsie ku avana va Israeli, ku tsihiri tsyebaala, tsyebaala ku inze; yava na vaguga vavo va hyola ku inze kuduka lidiku lya lero.

Ezekieli 20:13

Navutswa inyumba ya Israeli vebaala ku inze mu kyangalangwi: si va genda mu amalago gange, na va sula miima gyange, agomundu a va na a kola a la hindira mugo; na masa bato gange va gononnya ligali. Hene yaho nda vola nda tsuka ubutima bwange kuvo mu kyangalangwi, kuvadividza.

Ezekieli 20:21

Navutswa avana vebaala ku inze; si va genda mu malago gange mba, kandi si va gumira miima gyange nokugyikola, agomu ndu a va na a kola a la hindira mugo; vononnya masabato gange. Hene yaho nda vola, nda tsuka ubutima bwa nge kuvo, nduke kudukidza ubutima bwange kuvo mukyangalangwi.

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Ezekieli 20:8

Navutswa vebaala ku inze, si va bugirira kuhulira inze mbava vula kuta sa mulala kivihiri kyetsimoni tsyavo, kandi si va leka vifwananyi vya Egepeti. Hene yaho nda manya ni mbola, Nda tsuka ubutima bwange kuvo, nduke kudukidza ubutima bwange kuvo hagati hekivala kya Egepeti.

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Zekaria 1:3

Kunangwa u va volere, Yahova wa mahe a vola, Mu galuke ku inze, Yahova wa mahe a vola, na inze nda galuka ku mwinye, Yahova wa mahe a vola.

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Malaki 3:13

Makuva genyu ga gwiye madinyu ku inze, Yahova a vola. Navutswa mwinye mu vola, Ku voye ki ku ive?

Matayo 23:27

O Bayaye bu veye ku mwinye, avang'odi na Vafarisayo, avagadi kigira mu veye kuli vilindwa vi lavidzeywi, igulu vi fwana vi veye vilahi, navutswa mugati vizuye vigumba vyavakudzu, nobugundu bwosi.

Luka 15:16

Naye ya kayirwa kwiguta amagodo getsimpidzi tsya litsanga, navutswa si ha li nomundu wa mu ha kindu.

Varumi 10:21

Navutswa ku Vaisraeli a vola, Mbasu pei nda nyira makono gange ku vandu va vula kuhulira navahangali.

Varumi 10:3

Kigira, lwa va vula kumanya ubulungi bwa Nyasaye, kandi lwa venya kusingeridza bwavo avene, si vege hidza ku bulungi bwa Nyasaye.

Varumi 7:9

Kandi lwambiri inze nda li mwoyo bugira lilaga: navutswa lwa lilaga lya duka, ubwoni bwa simuguka, na inze nda kudza;

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Yakobo 4:8

Mwisunde himbi ku Nyasaye, naye a lisunda himbi ku mwinye. Mu lavidze makono genyu, mwinye avoni; mu takase myoyo gyenyu, mwinye avemyoyo gyiviri.