Malaki 3:5 - KITABU KITAKATIFU

⁵ Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Malaki 3:5 ပူးပေါင်းရင်းမြစ်များ

Litanga 20:11

Na Abrahamu ya vola, Kigira nda ganagana, Ligali si ha veye na litibwa lya Nyasaye hano; navo va la nziita kigira mukali wange.

Litanga 42:18

Ku lidiku lya kavaka Yosefa ya va volera, Mu kole ndina na mu ve mwoyo; kigira inze ntia Nyasaye:

Nehemia 5:15

Navutswa avamehi avimira imbiri wange va li avandu va tungangwa, navo va vugula ubukima bwavandu, newaini, halala netsishe keli amakumi gane tsyefetha; yee, kali avatumekiri vavo veyamehidza ku vandu: navutswa inze si nda kola ndiyo mba, kigira nda tia Nyasaye.

Ayubu 31:12

Kigira bu veye muliru gu sambanga kuduka ku Bwoneku, Kandi nkano bwihe limedeka lyange lyosi.

Ayubu 7:2

Kuli mutumekiri u kayirangwa Iigali kiriri, Kuli u tungangwa u henzanga kunyola amadanyi gege:

Zaburi 36:1

Ubwibaali bwomudamano bu vola mu mwoyo gwange, Si ha li nelitibwa lya Nyasaye imbiri wetsimoni tsitsye.

Zaburi 81:8

Mu hulire, mwinye avandu vange, na nda ku lolekidzira: O Israeli nkano u hulire inze

Zaburi 96:13

Imbiri wa Yahova; kigira yadzanga, Kigira yadzanga kukalagira lirova. A la kalagira avelirova nobulungi, Na avetsihiri na ageligali gege.

Zaburi 98:9

Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.

Kutwula 1:17

Navutswa avivulidzi va li ava tia Nyasaye, navo si va kola kuli mwami wa Egepeti ya va ha munwa, navutswa va linda avayai va ve mwoyo.

Kutwula 18:21

Kandi u la tovola ku avandu vosi, avandu avobunyali, ava tia Nyasaye, avandu va ageligali, ava vihirirangwa vyambeti vyobukyamu; na yava u la va singeridza kuva avanene vetsielfu, na avanene vetsimia, na avanene va makumi gatano, na avanene va makumi:

Kutwula 20:7

U ta tala vutswa lieta lya Yahova Nyasaye wowo; kigira Yahova si a la vula kulola mahyolo ku uyu u talanga vutswa lieta lilye.

Kutwula 22:20

Uyu wiita isadaka ku munyasaye wundi, na a ta li Yahova ying'ine, a dividzwe ligali.

Tsing'ano 16:6

Ubudamano bwogidzangwa netsi mbabasi na ageligali; Avandu va twula ku ubudamano kigira litia Yahova.

Tsing'ano 8:13

Litia Yahova li veye kudunyira ubudamano: Luyai, na lyegingira, na inzira indamano, Na umunwa gwobukyamu, ndunyiranga yivi.

Isaya 57:3

Navutswa mwisunde himbi hano, mwinye avana vomukali musegetiri, lwivulu lwomuheyi nowamalaya.

Jeremia 23:10

Kigira kivala yiki kizuye avaheyi; na kigira linyega, kivala ki vereranga; bwayiru bwomwigendanyama bwumi. Lugendo lwavo lu veye ludamano, nobunyali bwavo si bu veye bwobulungi;

Jeremia 27:10

kigira va mu profeteranga ububehi, va duke kumutwulidza mu tsie ihale nekivala kyenyu, kandi inze mmu twulidze, mu dive.

Jeremia 27:9

Navutswa ku makuva genyu, mu ta hulira avaprofeti venyu mba, kinga avasegetiri venyu, kinga amaloto genyu, kinga ava ng'oleranga ku malesi, kinga avakumu venyu, ava voleranga mwinye, kuvola, Mwinye si mu la tumekira mwami wa Babuloni mba:

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Jeremia 42:5

Hene yaho va volera Jeremia, Yahova a ve mulolekidzi weligali nobusuuvirifu hagati hetu, ni ku va ni ku vula kukola kuli kyosi kya Yahova Nyasaye wowo a la tuma ive kuleta ku kwinye.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Jeremia 5:29

Si ga ndukira kuvanza kisalya ku vindu kuli yivi? Yahova a vola; mwoyo gwange si gu levanzira kisalya ku ihiri kuli yiyi?

Kyavalevi 19:13

U ta dambidza mutende wowo kinga kwiba kindu kikye: madanyi gomutumekiri wa lagwa ga la vula kumenya halala nive lidiku lyosi kuduka mugamba.

Kyavalevi 20:10

Na ku vosi uyu u heya nomukali wonmusatsa wundi, kali uyu heya nomukali womutende wewe uyu musatsa muheyi na mukali muheyi ligali va liitwa.

Kyavalevi 20:27

Musatsa kandi mukali u veye nomwoyo gwokulagula, kinga u veye muvimbuli, ligali a liitwa: va la va lasa magina; masahi gavo ga la va kuvo avene.

Kyavalevi 20:6

Na mundu u girunkananga kulonda yavo ava veye nemyoyo gyokulagula, noku avavimbuli, kuvalonda mu buheyi, nda henzidza mumoni mwange ku mundu uyu, na nda mu twulidza mu avandu veve.

Mika 1:2

Mu hulire mwinye avandu vetsihiri tsyosi; u hulire, ive lirova, na vindu vyosi vi veye mu: Mwami Yahova a lolekidze ku mwinye, uyu Mwami mu litempeli lilye litakatifu.

Habakuk 1:12

Ive si u veye wemihiga nemihiga, O Yahova Nyasaye wange, Mutakatifu wange? Kwinye si ku la kudza mba. O Yahova, wa vika uyu kuva welikalagwa; na ive, O Lwanda, wa mu singeridza a duke kulungekidza.

Zekaria 11:12

Na nda va volera, Ni mu lola bulahi, mu mbe amadanyi gange; ni ga va ni ga ta veye ndiyo, mu leke. Ma va ngerera vidonye makumi gavaka gefetha kuva madanyi gange.

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Malaki 2:14

Na mwi nye mu volanga, Kigira ki? Kigira Yahova ya li muloli hagati hoho na mukali wobusoleli bubwo, wa ive wa mu kolera ubugadi, kali ni ya li wakyo, na mukali welilagana lilyo.

Malaki 2:17

Mu mali kuluhidza Yahova na makuva genyu. Navutswa mu volanga, Ku mu luhidza ku makuva ki? Ga veye ku livola lya mu volanga, Sa mulala u kolanga ubudamano a veye mulahi mu tsimoni tsya Yahova, naye a sangaliranga avandu yava; kinga Nyasaye welikalaga a veye haliha?

Luka 23:40

Navutswa wundi ya tivula na a mu gaya, na a vola, Ive si u tia kali Nyasaye, kigira u veye mu likalagirwa yili?

Varumi 3:8

Kandi kigira ki ku ta vola (kuli ku huudzirirwa, kandi kuli avandi va kira kuvola kwinye ku vola), Ku kole ubudamano, ubulahi bu duke? Iikalagirwa lyavo kuva voni ni lilungi.

Kwidzulitsa 15:13

Na lwa u mboholole a twule ku ive, u ta mu leka a tsie vutswa mba:

Kwidzulitsa 18:10

Ha ta nyoleka halala na ive, mulala u vitidzanga mmuliru, mwana wewe muyai kinga mkana, kinga mulala u kolanga ubusegetiri, kinga u henzanga vyombwerefu a lagule inkuva, kinga mulogi, kinga mbira,

Kwidzulitsa 24:17

U ta kyaminya likalagirwa lyomugeni, kinga mbisandu, kandi u ta vugula ingubo yomukunzakali kuva kihambiriru;

Kwidzulitsa 27:19

A laamwe u kyaminyanga likalagirwa lyomugeni, nombisandu, nomukunzakali. Navandu vosi va vole Amini.

Kwidzulitsa 5:11

U ta tala vutswa liela lya Yahova Nyasaye wowo: kigira Yahova si a la vula kulola mahyolo ku uyu u talanga vutswa lieta lilye.

1 Vatesalonike 4:6

mundu a ta ga manya nokugenderera amwavo wewe mu makuva yaga: kigira Mwami a veye mbanzi mu makuva yaga gosi; kuli kwa tanga kumumannya nokumulolekidzira.

Vahebraina 13:4

Lisererana li veye nelidzominywa ku vosi, nobugono bu ta va nobudamano: kigira ava tsia mbakana navaheyi Nyasaye a la va kalagira.

Yakobo 5:12

Navutswa kuvita vyosi, avamitu, mu tisuha ku ligulu kinga lirova kinga lisuha lindi ku lyosi: navutswa yee wenyu a ve yee, kandi auwa wenyu a ve auwa, gase mu la gwa mu likalagirwa.

Yakobo 5:4

Henzi, amadanyi gavayinziri avagesa milimi gyenyu, aga mwinye mwigalira ku linuula, ga kupa tsikwili: nelilira lya yavo avagesa lingiye mu matu go Mwami Wamahe.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.