Malaki 3:3 - KITABU KITAKATIFU

³ a likala kuli muhenzeridzi nokusiiya ifetha, na a la siiya avana va Levi, nokuvalengeridza kuli ithahabu na ifetha; na va la haana ku Yahova vihaanwa mu bulungi.

Malaki 3:3 ပူးပေါင်းရင်းမြစ်များ

Zaburi 116:17

Nda ku letera kihaanwa kyelisa ntidza Ndanira lieta lya Yahova.

Zaburi 4:5

Mu lete vihaanwa vyobulungi, Kandi mu suuvire Yahova.

Zaburi 4:6

Vanyingi va vola, Ibwaha a la ku mannya ubulahi? Waakidze ubulavu bwommoni mumwo ku kwinye, O Yahova.

Zaburi 50:14

Haana ku Nyasaye kihaanwa kyelisantidza; Nokutunga ga u lagi ku U Veye Igulu Ku Vyosi

Zaburi 50:23

Kuvo vosi u haana kihaanwa kyelisantidza u nkuminyanga; Na ku uyu u lohidzanga inzira yeye Nda mu mannya ubuhonnyi bwa Nyasaye.

Zaburi 51:19

Kunangwa u la yanzidzwa mu vihaanwa vyobulungi, Nomu kihaanwa kyokusambwa na kihaanwa kyokusambwa kyosi: Inyinga zana va la haana tsigiriki ku bwali bubwo.

Zaburi 66:10

Kigira ive, O Nyasaye, u ku geridzi: U kumanyeridzi kuli ifetha i manyeridzangwa.

Tsing'ano 17:3

Ludavo lu veye lwefetha, na mahiga gethahabu; Navutswa Yahova a geridzangamyoyo.

Tsing'ano 25:4

U twulidze amandu ku if etha, Na ki la loleka kiju ku uyu museredze:

Isaya 1:25

nda girunkannya mukono gwange gu ve ku ive, na nda seredza ligali amandu gogo, nda twulidza lukakala lwosi lwa handa ku ifetha yoyo;

Isaya 48:10

Henza, mmali kukusiyira mmuliru, navutswa si ga veye kuli ifetha isiyangwa; nku tovoye mu kisambiru kye kivi.

Isaya 61:6

Navu tswa mwinye mu la langwa avasalisi va Yahova; avandu va la langa mwi nye avatumekiri va Nyasaye wetu: mu la lia ubutugi bwa vetsihiri, rnu leyidzominya nobukumi bwavo.

Jeremia 9:7

Kigira yaga Yahova wa mahe a vola ndi, Henza, nda va salula, nokuvageridza; kigira ni mbula kukola yaga nkola ki, kigira mukana wavandu vange?

Ezekieli 20:38

nda va sembera va twule hagati henyu avebaali, na va hyola ku inze; nda va twulidza mu kivala kya va menyanga mu ubugeni, navutswa si va lingira mu kivala kya Israeli mba: na mu la manya mbeye Yahova.

Danyeli 11:35

Kandi avaku avobugeeri va la gwa, va duke kutakaswa, nokulavidzwa, nokukolwa avanifu, kali kuduka ku inyinga yekiheri; kigira yaga ga veye genyinga i lageywi.

Danyeli 12:10

Avanyingi va letakasa avene, nokwenihidza, nokuseredzwa; navutswa avadamano va la kola ubudamano: noku avadamano si ha la va na u manya; navutswa avageeri va ia manya.

Hosea 14:2

Vugula ma kuva, u tsie nago, wirane ku Yahova: u mu volere, Twulidza budamano bwosi, u bugirire amalahi: ku la haana ndiyo vihaanwa vyeminwa gyetu kuli kuhaana tsigiriki.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Livalidza 8:6

U twulidze Avalevi hagati ha avana va Israeli, na u va takase.

Luka 3:16

Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru.

Varumi 12:1

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

Varumi 15:16

nduke kuva mutumwa wa Kristo Yesu ntsie ku Tsihiri, mba kolere ivangeli ya Nyasaye, kihaanwa kye Tsihiri ki duke kubu girirwa, Roho Mutakatifu na a mali kukitakasa.

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi:

Vafilipi 4:18

Navutswa mbeye nevindu vi duki kandi vi viti: kandi nziguti, mmali kunyola vindu vya twula ku mwinye mu makono ga Epafradito, vi veye mwayu gwelifunya lilahi, vi veye isadaka yokubugirirwa kandi yokuyanzidza Nyasaye.

2 Timoteo 4:6

Kigira kalunu inze nzukangwa, kandi inyinga yange yokutwula i veye himbi.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 12:10

Kigira yavo ligali madiku makekeke va ku ha amageli kuli va lola; navutswa uyu kigira kyambeti kyetu, ku duke kuva avasangi mu butakatifu bwibwe.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 1:6

na a ku kola ubwami navasalisi va Nyasaye wewe, Dada wewe; ubukumi bu ve kuye na lyameha kuduka imihiga nemihiga. Amini.

Likunula 3:18

nku volera u gule ku inze ithahabu i siyeywi nomuliru, u duke kugwa mutugi; netsingubo tsindavu, u duke kwivika tsisoni tsyekyahonyo kyikyo tsi vule kulang'aminywa; kandi u gule ku inze, lunyasi lwokuvaka tsimoni tsitsyo, u duke kulola.

Likunula 5:10

nokuvakola ubwami navasalisi ku Nyasaye wetu; kandi va lameha ku lirova.