Malaki 3:17 - KITABU KITAKATIFU

¹⁷ Navo va la va avange, Yahova wa mahe a vola, mu lidiku yilyo, lya ntovola miyandu gyange; na nda va vererera, kuli mundu a verereranga mwana wewe u mu tume kiranga.

Malaki 3:17 ပူးပေါင်းရင်းမြစ်များ

Nehemia 13:22

Na nda laga Valevi vetakase avene, na vadze kulinda viribwa, nokutakasa lidiku lyelisa bato. U nzidzulitse, O Nyasaye wa nge, ku yaga kandi, u mbererere kuli ubunene bwetsimbabasi tsitsyo.

Zaburi 115:13

A la gasidza ava tidzanga Yahova, Avakekeke na avanene halala.

Zaburi 135:4

Kigira Yahova u tovoye Yakobo kuva wewe mwene Na Israeli kuva miyandu gyigye mwene.

Kutwula 19:5

Kunangwa kalunu, ni mu va ni mu hulira mwoyo gwange ligali, nokugumira lilagana lyange, hene yaho mu la va ku inze, ihiri yange mwene yavukanywa ku vandu vosi: kigira lirova lyosi ni lyange:

Kutwula 32:32

Navutswa kalunu nu u va nu u nyala kusameha ubwoni bwavo naho ni ga ta li ndiyo, nku saala, mwadza weye inze kutwula mu kitabu kikyo kya u ng'odi.

Lwimbu lwa Solomoni 2:16

Munyanze wange a veye wange, na inze ni wewe: Yayanga kyayo kikye kyamagondi mu bulavidzu.

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 43:21

avandu va ndelombera inze mwe ne, va duke kulandidza lidzominywa lyange.

Jeremia 31:20

Efiraim a veye mwana wange muyanze? Aveye mwana wokuyanzidza? Kigira tsinyinga tsyosi lwa mmu gondokiranga, ma mbongera kumwidzulitsa: kunangwa ligali mmu vererera, Yahova a vola.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Ezekieli 16:8

Na lwa nda vita himbi nive, nokukwumika, na ive inyinga yoyo ya li inyinga yobuyanzi; na nda fuma ku ive kitweya kyange, kufuma kyahonyo kikyo: yee, nda kwisuhira, na nda lomba lilagana nive, Mwami Nyasaye a vola, na wa gwa wange.

Zefania 2:2

lwa lilaga li kikiri kwi vula, lwa lidiku yilyo li kikiri kuvita kuli mukuudzi, lwobutima bululu bwa Yahova bu kikiri kuduka ku mwinye, lwa lidiku lyobutima bwa Yahova li kikiri kuduka ku mwinye.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Malaki 4:3

Na mu la duvaga vadamano; kigira va la va ligoke isi wevirenge venyu mu lidiku lwa nda kola yaga, Yahova wa mahe a vola.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Yohana 17:24

Yava ava wa mpa, Dada, ha mbeye inze nyenya yava va ve ho, va duke kulola ubukumi bwange, bwa wa mpa: kigira wa nyanza, lirova li kikiri kutemwa muse.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

1 Vakorintho 15:23

Na vutswa sa mulala a veye ku bwibwe mwene: Kristo a veye ubuhya; ulwenyima ava veye va Kristo mu lidza lilye.

1 Vakorintho 6:20

kigira mwa gulwa ubuguli; kunangwa mwidzominye Nyasaye mu mibiri gyenyu.

2 Vakorintho 6:18

Kandi nda va Dada wenyu, Na mwinye mu la va avana vange avayai navakana Mwami Wa Nyala Vyosi a vola.

Vagalatia 5:24

Kandi yava ava veye va Kristo Yesu va mali kubambwa mubiri halala nelyegombwa lyagwo lidamano nelikayirwa lyagwo.

Kwidzulitsa 14:2

Kigira u veye ihiri intakatifu ku Yahova Nyasaye wowo, na Yahova ya ku tovola kuva ihiri yahulwa kuva yeye, kuvita tsihiri tsyosi tsi veye ku lirova.

Kwidzulitsa 7:6

Kigira ive u veye ihiri intakatifu ku Yahova Nyasaye wowo: Yahova i Nyasaye wowo ya ku tovola u ve ihiri yahulwa i ve yeye, kuvita avandu vosi ava veye ku lirova.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: