Malaki 3:16 - KITABU KITAKATIFU

¹⁶ Kunangwa avatidzanga Yahova va volerana avene na avene. Na Yahova ya tegidza gutu, na a hulira, kandi kitabu kyelidzulitsa kya ng'oderwa imbiri wewe, kya yavo avatidzanga Yahova, nokuganagana lieta lilye.

Malaki 3:16 ပူးပေါင်းရင်းမြစ်များ

Litanga 22:12

Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.

2 Samweli 7:1

Na ga duka, lwa mwami ya menya mu inyumba yeye, na Yahova ya mu ha bwelemeridzi ku avasigu veve vosi tsimbega tsyosi,

1 Avami 18:12

Na ga la duka, nonoho lwa nda tsia kutwula ku ive, Roho wa Yahova a la ku hila ha nta manya; na lwa ntsia kuvolera Ahabu, naye lwa a vula kukulola, a la nziita: navutswa inze mutumekiri wowo nda tia Yahova kutwula bwana buke.

1 Avami 18:3

Ahabu ya langa Obadia, wa li umusingiriri wenyumba yeye. (Obadia ya tia Yahova ligali:

2 Kyetsinyinga 6:7

Kunangwa ga li mu mwoyo gwa dada wange Daudi kwo mbakira lieta lya Yahova, Nyasaye wa Israeli, inyumba.

Nehemia 1:11

O Yahova, mwadza, nku saala ligali, ugutu gugwo gu tegidzwe kuhulira lisaala lyomutumekiri wowo, na lisaala lya vatumekiri vovo, ava sangala mu litia lieta lilyo; na nku saala ligali, u ngasidze inze mutumekiri wowo lero, u mbe tsimbabasi imbiri wo mundu uyu. Kigira inze nda li munwehidze womwami.

Esther 2:23

Na lwa inkuva yiyi ya tevwa, ya loleka i veye ndiyo, navo vombi va sungwa ku musala: na ga ng'odwa mu kitabu kya mang'oda imbiri womwami.

Esther 6:1

Mu budiku yibwo mwami si ya nyola tsindolo; na ya laga kitabu kya mang'oda ga makuva getsinyinga ki letwe, nago ga somwa imbiri womwami.

Ayubu 28:28

Na ya volera mundu makuva yaga, Henza, kutia Yahova, nibwo ubugeeri; Nokutwula ku budamano nilyo limanya.

Zaburi 10:4

Mudamano mu luyai lwommoni mwimwe a wla, si a la vanza mba. Tsiganagani tsitsye tsyosi tsi veye kuvola, Si ha li na Nyasaye.

Zaburi 104:33

Ndimbira Yahova lwa mbeyemwoyo: Ndimba tsyokwidzominya Nyasaye wange lwa mbeye neliva lyange.

Zaburi 111:10

Kutia Yahova ni litanga lyobugeeri; Lihulira lilahi li veye ku vosi ava kolanga malngo gege: Lidzominywa lilye li menyanga mihiga nemihiga.

Zaburi 115:13

A la gasidza ava tidzanga Yahova, Avakekeke na avanene halala.

Zaburi 119:63

Mbeye wakye ku vosi ava ku tidzanga, Na ku yavo ava gumira amegidzo gogo.

Zaburi 139:4

Kigira si ha veye nelikuva mu lulimi lwange, Navutswa ive O Yahova, u li manya lyosi.

Zaburi 147:11

Yahova a yanzidzwa mu yavo ava mu tidzanga, Mu yavo ava suuvira tsimbabasi tsitsye.

Zaburi 16:3

Na ku avatakatifu ava veye mu lirova, Va veye avalahi, avobuyanzi bwange bwosi bu veye muvo.

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Zaburi 33:18

Henza, imoni ya Yahova i veye ku yavo ava mu tidzanga, I veye ku yavo ava suuviranga tsimbabasi tsitsye

Zaburi 34:15

Tsimoni tsya Yahova tsi veye ku avobulungi, Na amatu gege ga yeki ku lilira lyavo.

Zaburi 56:8

Ive u validza livoyavoya lyange: U vike maliga gange mu ichupa yoyo; Si ga veve mu kitabu kikyo?

Zaburi 56:9

Kunangwa avasigu vange va lirana inyima ku lidiku lya nyanira ive: Yaga mmanya, Nyasaye a veye ku luvega lwange.

Zaburi 66:16

Hambi, mu hulire, mwinye vosi avatidzanga Nyasaye, Na nda mu volera aga u koleye mwoyo gwange.

Zaburi 94:19

Ubunyingi bwetsiganagani tsyange mu inze Ubuleminyi bubwo bu sangalidzanga mwoyo gwange.

Kutwula 32:32

Navutswa kalunu nu u va nu u nyala kusameha ubwoni bwavo naho ni ga ta li ndiyo, nku saala, mwadza weye inze kutwula mu kitabu kikyo kya u ng'odi.

Tsing'ano 13:20

U gende halala na avandu vobu geeri na u la va mugeeri; Navutswa welihambana na avasiru a la salira.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 26:8

Yee, ku lindiriye ive, O Yahova mu inzira yelikalaga lilyo; likayirwa lyemyoyo gyetu li yeki ku lieta lilyo, nokulidzulitsa lilyo.

Isaya 4:3

Na ga la duka, uyu wa lekwa mu Zioni, na uyu wa tigala mu Yerusalemi, a la langwa mutakatifu, kali sa mulala wa ng'odwa mu yavo ava veye mwoyo mu Yerusalemi:

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Isaya 65:6

Henza, likuva yili li ng'odeywi imbiri wange: si nda kiring'ana, navutswa nda tunga amaanyi, yee, nda tunga amadanyi gavo mu viritu vyavo,

Jeremia 31:18

Ligali mbuliye Efiraim ni yesyomeranga kuvola, Ive u mbeye amageli na inze mbeveywi amageli, kuli kimoli ki kikiri kunala inira: u ngirunkannye, na inze nda girunkanywa; kigira ive u veye Yahova Nyasaye wange.

Jeremia 8:6

Nda huliridza, ni mbulira, navutswa si va vola bulungi: si ha veye nomundu kali mulala weganira ku ubudamano bwibwe, nokuvola, Nkoli ki? Sa mulala a gumiranga lugendo lwilwe mwene, kuli iparasi i gendanga tsimbiru kwingira mu bulwani.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Danyeli 12:1

Kandi inyinga yeyo Mikaeli a la singira, munene ku vanene u singirira avana vavandu vovo, kandi ha la va nenytnga yekivi kinene, ki ta li ho nekindi ki leng'ana nakyo kutwula inyinga ihiri ya tanga kuva ho kuduka ku inyinga yeyo; kandi inyinga yeyo avandu vovo va la honywa, samulala u li nyoleka kuva mung'ode mu kitabu.

Danyeli 7:10

Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Luka 2:38

Uyu yingira isaa yeyo ni yidzominya Nyasaye, na a volera go mwana ku vosi ava linda ubu honnyi bwe Yerusalemi.

Vikolwa 1:13

Lwa va mala kwingira mu, va nina mu inyumba yigulu, ya va menya mu, Petro, na Yohana, na Yakobo, na Andreya, na Filipu, na Tomasi, na Bartlomeyo, na Matayo, na Yakobo wa Alfayo, na Simoni Zelote, na Yuda wa Yakobo.

Vikolwa 10:2

ya li mulahi wa tia Nyasaye, halala navenyumba yeye vosi, na a ha avandu tsisadaka tsinyingi, na a saala Nyasaye madiku gosi.

Vikolwa 2:1

Lwa lya duka lidiku lya Pente kote, va li halala vosi nomwoyo mulala.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Vafeso 5:19

Mu volerane avene navene mu zaburi, nomu tsi nyimbu, nomu tsinyimbu tsyomu roho, mwimbe nornwoyo mulahi mu myoyo gyenyu ku Mwami;

1 Vatesalonike 5:11

Kunangwa mu tsuvane mwinye avene navene nokwombakirana mundu sa mulala nowakye, kuli mu kolanga.

1 Vatesalonike 5:14

Ku tsuva mwinye, avamitu, mu gerehidze yavo avekivihiri, mu luviridze ave myoyo midedekere, mu vike avadedekere tsingulu, mwikudzire ku vandu vosi.

Vahebraina 10:24

Ku ganane avene navene kuduka kuvukidzana ku buyanzi noku miyinzi milahi;

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

Vahebraina 3:13

Navutswa mu tsuvane avene navene kazozo, inyinga yelilangwa Lero; gase mulala ku mwinye a la kolwa mudinyu nobugadi bwobwo ni.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 20:12

Kandi nda lola avakudzu, avanene navakekeke, va singiye imbiri wentebe; kandi vitabu vya kunulwa: kandi kitabu kindi kya kunulwa, ki veye kyelivamwoyo: kandi avakudzu va kalagirwa kuli vindu vya ng'odwa mu vitabu yivi, kuli miyinzi gyavo.